ចិន៖ ប្រទេសចិនបាននឹងកំពុងមមាញឹក្នុងការប្រមូលផលពូជតែ West Lake Longjing នៅតំបន់ Hangzhou នៃខេត្ត Zhejiang ភាគខាងកើតប្រទេសចិន។ កសិករក្នុងតំបន់ជឿជាក់ថាតែនាឆ្នាំនេះនិងផ្តល់ទិន្នផលល្អ និងជំរុញសេដ្ឋកិច្ចបន្ថែមទៀតដល់ប្រជាកសិករចិន។
កសិករចិនជាច្រើនរយនាក់បាននឹងកំពុងមមាញឹកក្នុងការប្រមូលផលស្លឹកតែ West Lake Longjing ក្នុងឆ្នាំនេះនៅឯចម្ការតែនៅក្នុងភូមិ Longjing នៃទីក្រុង Hangzhou ។ បច្ចុប្បន្ននេះ ការប្រមូលផលសំខាន់គឺពូជដែលមានឈ្មោះ "ឡុងជីង ៤៣"។
ដោយសារការកែលម្អជាបន្តបន្ទាប់នៃការគ្រប់គ្រងចម្ការតែ ការអភិវឌ្ឍន៍បច្ចេកវិទ្យាផលិតកម្មបៃតង ការពង្រឹងការបណ្តុះបណ្តាលជំនាញជ្រើសរើសតែ និងផលិតតែ ទិន្នផលស្លឹកតែ West Lake Longjing បានកើនឡើងក្នុងប៉ុន្មានឆ្នាំថ្មីៗនេះ។
លោក Zhu Jianshan សាស្ត្រាចារ្យនៃមហាវិទ្យាល័យតែ Zhejiang បាននិយាយថា រសជាតិ និងគុណភាពគឺល្អបំផុតនៅពេលនេះ។ លោកបន្ថែមថា"ការរើសស្លឹកតែឡុងជីងគួរតែជាជម្រើសដំបូងក្នុងឆ្នាំនេះ ដើម្បីធានាបាននូវគុណភាពតែនៅពេលដែលគេជាវយកទៅពិសារ។
គួរបញ្ជាក់ថាតែ West Lake Longjing ដែលត្រូវបានគេស្គាល់ថា Dragon Well Tea គឺជាតែបៃតងរបស់ចិនដែលល្បីល្បាញដោយសារគុណភាពខ្ពស់របស់វា។ វាត្រូវបានដាំជាចម្បងនៅក្នុងទីក្រុង Hangzhou ទីក្រុង Zhejiang និងតំបន់ជុំវិញមួយចំនួនដែលមានសំណើម និងលក្ខខណ្ឌអាកាសធាតុល្អ៕
.PNG?1713408343)
