អាល្លឺម៉ង់ព្រមានចិនបើហានផ្តល់ជំនួយដល់រុស្សី

អាល្លឺម៉ង់៖ អធិការបតីអាល្លឺម៉ង់លោក Olaf Scholz បានផ្តល់យោបល់ថា ប្រទេសចិននឹងប្រឈមមុខនឹងការដាក់ទណ្ឌកម្មដែលមិនធ្លាប់មាន ប្រសិនបើខ្លួនធ្លាប់ជ្រៀតជ្រែកក្នុងជម្លោះអ៊ុយក្រែន និងផ្តល់ជំនួយយោធាដល់រុស្ស៊ី។ ការព្រមានរបស់លោកអធិការបតីរូបនេះធ្វើឡើងក្រោយមានដំណឹងបែកធ្លាយថាចិនគ្រោងនិងបន្តជំនួយដល់ប្រទេសរុស្សី។

លោក Scholz បានឲ្យដឹងថា "ខ្ញុំគិតថាវានឹងមានផលវិបាកប្រសិនបើចិនហានផ្តល់ជំនួយដល់រុស្សី ដោយលោកយល់ឃើញថា បច្ចុប្បន្នលោកមិនទាន់បានឃើញសញ្ញជាផ្លូវការណាថាចិននិងផ្តល់ជំនួយដល់រុស្សីនោះទេ" ។

ទីក្រុងប៉េកាំងបានប្រឈមមុខនឹងការចោទប្រកាន់កាន់តែខ្លាំងឡើងពីមន្ត្រី និងប្រព័ន្ធផ្សព្វផ្សាយលោកខាងលិចក្នុងប៉ុន្មានសប្តាហ៍ថ្មីៗនេះ ដែលថាចិនគ្រោងនិងផ្គត់ផ្គង់ជំនួយយោធាដល់រុស្ស៊ី ដែលជាការចោទប្រកាន់ដែលខ្លួនបដិសេធ។ នាយករដ្ឋមន្ត្រី Li Keqiang បាននិយាយកាលពីថ្ងៃអាទិត្យថា ប្រទេសចិននឹង "រក្សាការប្តេជ្ញាចិត្តចំពោះគោលនយោបាយការបរទេសឯករាជ្យនៃសន្តិភាព" ដោយមិនបាននិយាយអំពីជម្លោះរុស្ស៊ី-អ៊ុយក្រែននោះទេ។

នៅពេលត្រឡប់ទៅអាល្លឺម៉ង់វិញ Scholz បានបដិសេធមិនឆ្លើយសំណួរផ្ទាល់អំពីថាតើលោកប្រធានាធិបតី Joe Biden បានបង្ហាញឱ្យគាត់នូវភស្តុតាងជាក់ស្តែងណាមួយដើម្បីគាំទ្រការអះអាងដែលថាប្រទេសចិនកំពុងពិចារណាការផ្តល់អាវុធដល់ប្រទេសរុស្ស៊ីនៅឡើយនោះទេ។

ចិនបានបដិសេធម្តងហើយម្តងទៀតចំពោះការចោទប្រកាន់នេះ។ កាលពីសប្តាហ៍មុន អ្នកនាំពាក្យក្រសួងការបរទេសចិនលោកស្រី Mao Ning បាននិយាយថា ទីក្រុងវ៉ាស៊ីនតោនកំពុងជ្រៀតជ្រែក "ព័ត៌មានមិនពិតអំពីអាវុធ" និងដាក់ទណ្ឌកម្មក្រុមហ៊ុនចិន "ដោយគ្មានហេតុផល" ដោយពណ៌នាថានេះថាជាអំពើ "ពុតត្បុត" និង "ទង្វើនៃការសម្លុតដោយឥតលាក់លៀម"ដែលអាម៉េរិកធ្វើដើម្បីយកផលចំណេញ៕