ថៃប្រឈមមុខរលកកម្តៅ ៤០-៤៣ អង្សារ

ថៃ៖ លោកស្រី Chomphari Chomphurat ប្រធាននាយកដ្ឋានឧតុនិយមបានគូសបញ្ជាក់ថា រដូវត្រជាក់បានកន្លងផុតទៅហើយ។ រដូវក្តៅចាប់ផ្តើមនៅក្នុងប្រទេសថៃនៅថ្ងៃទី ៥ ខែមីនា ហើយនឹងបញ្ចប់នៅពាក់កណ្តាលខែឧសភា នៅពេលដែលភ្លៀងមកដល់។

លោកស្រីបន្ថែមថា សីតុណ្ហភាពនឹងកើនឡើងដល់ ៣៥ អង្សាសេ ឬខ្ពស់ជាងនេះនៅតំបន់មួយចំណួននៃប្រទេសចាប់ពីថ្ងៃអាទិត្យ ហើយនឹងបន្តឡើងខ្ពស់រហូតដល់ចុងរដូវក្តៅដោយ សីតុណ្ហភាពនឹងកើនឡើងដល់ ៤០-៤៣ អង្សាសេនៅក្នុងខេត្តភាគខាងជើងនៃខេត្ត Sukhothai, Tak, Lampang និង Mae Hong Son នៅរដូវក្តៅឆ្នាំនេះ។ ទីក្រុងបាងកក និងខេត្តរណបនឹងឃើញសីតុណ្ហភាពអតិបរមាពី ៣៨-៣៩ អង្សាសេ។ រដូវក្តៅនៅតំបន់ខាងលើនៃប្រទេសថៃ ត្រូវបានកំណត់លក្ខណៈដោយខ្យល់បក់បោកពីទិសឦសានទៅភាគអាគ្នេយ៍។

សម្រាប់លោកស្រី ព្យុះផ្គររន្ទះត្រូវបានគេរំពឹងថានឹងបន្តនៅតំបន់ភាគខាងជើង ឦសាន កណ្តាល និងខាងកើត រហូតដល់ពាក់កណ្តាលខែនេះ ខណៈដែលម៉ាស់ត្រជាក់ពីប្រទេសចិនបានប៉ះទង្គិចជាមួយនឹងការកើនឡើងនៃខ្យល់ក្តៅនៅក្នុងប្រទេសថៃ។ អ្នកស្រីបាននិយាយថា អាកាសធាតុនឹងមានភាពខុសប្រក្រតីនៅចន្លោះចុងខែមេសា និងពាក់កណ្តាលខែឧសភា ជាមួយនឹងការផ្លាស់ប្តូរភ្លាមៗពីកំដៅដ៏ក្តៅគគុកទៅជាព្យុះផ្គររន្ទះ និងខ្យល់បក់ខ្លាំង ដោយ ព្យុះព្រឹលគឺជាលទ្ធភាពមួយដែឡអាចនិងកើតមានឡើង។

បន្ថែមពីនេះព្យុះផ្គររន្ទះត្រូវបានគេរំពឹងថានឹងវាយប្រហារពី ២០ ទៅ ៣០% នៃភាគខាងត្បូងប្រទេសថៃនៅចន្លោះចុងខែមីនាដល់ចុងខែមេសា។ ភ្លៀងនឹងធ្លាក់កាន់តែធ្ងន់ និងកាន់តែញឹកញាប់ចាប់ពីពាក់កណ្តាលខែឧសភា ដោយមានភ្លៀងធ្លាក់ពី ៦០-៨០% នៃតំបន់។ រលកនៅតំបន់ឆ្នេរ Andaman ត្រូវបានគេរំពឹងថានឹងមានកម្ពស់ពី ២ ទៅ ៣ ម៉ែត្រ ខណៈពេលដែលនៅឈូងសមុទ្រថៃនឹងមានកម្ពស់ពី ១ ទៅ ២ ម៉ែត្រ៕