រុស្ស៊ីវាយប្រហារគោលដៅអ៊ុយក្រែនជាច្រើនទិស ខណៈអ៊ុយក្រែនបាញ់ទម្លាក់យន្តហោះចម្បាំងរុស្ស៊ី

រុស្សី៖ កងទ័ពរបស់ខ្លួនបានអះអាងថាខ្លួនបានវាយប្រហារគោលដៅរបស់អ៊ុយក្រែនពីច្រើនទិសដៅ ខណៈដែលអ៊ុយក្រែនអះអាងថា កងកម្លាំងអាកាសរបស់ខ្លួនបានបាញ់ទម្លាក់យន្តហោះចម្បាំងរុស្ស៊ីអស់ជាច្រើនគ្រឿង។

អ្នកនាំពាក្យក្រសួងការពារជាតិរុស្ស៊ី លោក Igor Konashenkov បានប្រាប់សារព័ត៌មានកាលពីថ្ងៃចន្ទថា កងកម្លាំងរុស្ស៊ីបានវាយប្រហារកម្លាំងទាហានអ៊ុយក្រែន រថក្រោះ រថពាសដែក និងរថយន្តយោធាពីតំបន់ Kupyansk, Krasny Liman,Donetsk, Zaporozhye និង Kherson ក្នុងរយៈពេល ២៤ ម៉ោងចុងក្រោយនេះ។

លោក Konashenkov បាននិយាយថា កងកម្លាំងការពារដែនអាកាសរុស្ស៊ី បានបាញ់ទម្លាក់គ្រាប់មីស៊ីលចំនួន ៤ គ្រាប់ ដែលបាញ់ដោយគ្រាប់រ៉ុក្កែតច្រើនប្រភេទដែលផលិតដោយសហរដ្ឋអាម៉េរិក HIMARS និងយន្តហោះគ្មានមនុស្សបើកចំនួន ៥ គ្រឿងរបស់យោធាអ៊ុយក្រែន។

ទីភ្នាក់ងារសារព័ត៌មានជាតិអ៊ុយក្រែន Ukrinform ដែលដកស្រង់សម្តីអគ្គសេនាធិការនៃកងកម្លាំងប្រដាប់អាវុធអ៊ុយក្រែន (AFU) បានរាយការណ៍កាលពីថ្ងៃចន្ទថា កងទ័ពអ៊ុយក្រែនបានវាយលុកការវាយប្រហាររបស់រុស្ស៊ីចំនួន ៨១ ពីទិសដៅជាច្រើនក្នុងរយៈពេល ២៤ ម៉ោងមុន។

ដោយក្នុងនោះកងទ័ពអាកាសអ៊ុយក្រែនបានធ្វើការវាយប្រហារចំនួនបួនលើកលើតំបន់ដែលទាហានរុស្ស៊ី និងផ្នែករឹងយោធាប្រមូលផ្តុំ ហើយបានទម្លាក់យន្តហោះវាយប្រហាររុស្ស៊ី Sukhoi Su-25 ៕