ពូទីនគ្រោងដាក់ពង្រាយនុយក្លេអ៊ែរ Sarmat នាឆ្នាំនេះ

រុស្សី៖ ប្រធានាធិបតីរុស្សី វ្ល៉ាឌីមៀ ពូទីន បានគូសបញ្ជាក់ថាមីស៊ីលអន្តរទ្វីប Sarmat ដែលពន្យារពេលដាក់ពង្រាយនាពេលកន្លងទៅនឹងត្រូវដាក់ពង្រាយនៅឆ្នាំនេះ។ លោកថ្លែងបែបនេះនៅក្នុងកម្មវិធីសារព័ត៌មានប្រចាំឆ្នាំមុនថ្ងៃខួបលើកទីមួយនៃប្រតិបត្តិការពិសេសរបស់ខ្លួនលើប្រទេសអ៊ុយក្រែន។

មីស៊ីលអន្តរទ្វីប RS-28 Sarmat ដែលដាក់ឈ្មោះថា Satan 2 ដោយអ្នកវិភាគលោកខាងលិច ត្រូវបានប្រកាសជាលើកដំបូងដោយលោក Putin នៅក្នុងឆ្នាំ ២០១៨ ហើយត្រូវបានគេសន្មត់ថាត្រូវបានដាក់ពង្រាយកាលពីឆ្នាំមុន។

CNN បានរាយការណ៍ថាសហរដ្ឋអាម៉េរិកជឿថារុស្ស៊ីបានធ្វើតេស្ត Sarmat មុនពេលដែលប្រធានាធិបតីអាម៉េរិកលោក Joe Biden បានធ្វើទស្សនកិច្ចនៅអ៊ុយក្រែនកាលពីដើមសប្តាហ៍នេះ ប៉ុន្តែការធ្វើតេស្តនេះបានបរាជ័យ។ ក្រសួងការពារជាតិរុស្ស៊ីមិនបានធ្វើអត្ថាធិប្បាយលើរបាយការណ៍នោះទេ។

មីស៊ីល ៣៥ ម៉ែត្រ (១១៥ ហ្វីត) ដែលពូទីននិយាយថានឹងធ្វើឱ្យសត្រូវរបស់រុស្ស៊ី "គិតឲ្យបានស្រួល" មានចម្ងាយ ១៨.០០០ គីឡូម៉ែត្រ (១១.១៨៥ ម៉ាយ) ។ អ្នកខ្លះប៉ាន់ស្មានថា អាចខ្ពស់ជាង។ វាអាចផ្ទុកមីស៊ីលចូលបានច្រើនយ៉ាងហោចណាស់ ១០ គ្រឿង ដែលនីមួយៗមានក្បាលគ្រាប់នុយក្លេអ៊ែរ ដែលនីមួយៗអាចតម្រង់ទៅគោលដៅផ្សេងគ្នា។

កាលពីខែមិថុនាកន្លងទៅ លោក Putin ក៏ធ្លាប់បាននិយាយដែរថា មីស៊ីលនឹងត្រូវដាក់ពង្រាយនៅចុងឆ្នាំ ២០២២។ មួយឆ្នាំចាប់តាំងពីការបញ្ជាឱ្យឈ្លានពានអ៊ុយក្រែន លោកពូទីនបានផ្តល់សញ្ញាថាលោកត្រៀមខ្លួនរួចជាស្រេចដើម្បីលុបបំបាត់ស្ថាបត្យកម្មនៃការគ្រប់គ្រងអាវុធនុយក្លេអ៊ែរ រួមទាំងការផ្អាករបស់មហាអំណាចលើការសាកល្បងនុយក្លេអ៊ែរ លុះត្រាតែលោកខាងលិចមិនគាំទ្រនៅអ៊ុយក្រែនឲ្យចូលណាតូ។

ក្នុងអំឡុងពេលសុន្ទរកថារបស់រដ្ឋកាលពីថ្ងៃអង្គារ លោក ពូទីន បាននិយាយថា រុស្ស៊ីនឹងផ្អាកការចូលរួមរបស់ខ្លួននៅក្នុងសន្ធិសញ្ញា New START ដែលជាកិច្ចព្រមព្រៀងអាវុធនុយក្លេអ៊ែរចុងក្រោយដែលនៅសល់ជាមួយសហរដ្ឋអាម៉េរិក។ ប៉ុន្តែក្រោយមកទីក្រុងមូស្គូបាននិយាយថា ខ្លួននឹងនៅតែគោរពតាមសន្ធិសញ្ញានេះរហូតដល់វាផុតកំណត់នៅដើមឆ្នាំ ២០២៦។

នៅក្នុងសុន្ទរកថារបស់លោកកាលពីថ្ងៃព្រហស្បតិ៍ លោក Putin ក៏បាននិយាយផងដែរថា ប្រទេសរុស្ស៊ីនឹងបន្តការផលិតទ្រង់ទ្រាយធំនៃប្រព័ន្ធ Kinzhal ដែលមានមូលដ្ឋានលើអាកាស និងចាប់ផ្តើមការផ្គត់ផ្គង់ដ៏ធំនៃមីស៊ីល Zircon ដែលមានមូលដ្ឋានលើសមុទ្រ។ លោកបន្ថែមថា"ជាមួយនឹងការអនុម័តគម្រោងនាវាមុជទឹកដើរដោយថាមពលនុយក្លេអ៊ែរ Borei-A អធិរាជ Alexander III ទៅក្នុងកងទ័ពជើងទឹក ចំណែកនៃសព្វាវុធ និងឧបករណ៍ទំនើបៗនៅក្នុងកងកម្លាំងនុយក្លេអ៊ែរយុទ្ធសាស្ត្រកងទ័ពជើងទឹកនឹងឈានដល់ 100 ភាគរយ"៕