«ស្លាប់ជាង៥០០០នាក់»ក្រោយរញ្ជួយដីក្នុងប្រទេសតួកគី និងស៊ីរី

តួកគី៖ ក្រុមអ្នកជួយសង្គ្រោះនៅប្រទេសតួកគីបាននឹងកំពុងកិច្ចខិតខំប្រឹងប្រែងរបស់ខ្លួនដើម្បីជួយសង្រ្គោះអ្នករស់រានមានជីវិតពីគំនរបាក់បែក ចាប់តាំងពីការរញ្ជួយដីដ៏ធំបានធ្វើឱ្យមានការបំផ្លិចបំផ្លាញយ៉ាងខ្លាំងកាលពីថ្ងៃច័ន្ទនៅប្រទេសស៊ីរី និងតួកគីដោយសារតែគ្រោះរញ្ជួយដី។

ប្រធានាធិបតីតួកគីលោក Erdogan បានឲ្យដឹងថាថាចំនួនអ្នកស្លាប់ពីការរញ្ជួយដីដ៏ខ្លាំងកាលពីថ្ងៃចន្ទនៅភាគខាងត្បូងប្រទេស Türkiye បានកើនឡើងដល់ ៣,៥៤៩ នាក់ ដោយលោកបានប្រកាសអាសន្នចំនួន៣ខែ និងដាក់ខេត្តចំនួន១០ក្នុងគ្រាអាសន្ន ។ អាជ្ញាធរគ្រប់គ្រងគ្រោះមហន្តរាយ និងគ្រាអាសន្នរបស់ប្រទេសតួគីបានបន្ថែមថាបច្ចុប្បន្នភាព ចំនួនអ្នករងរបួសមានចំនួន ២១.១០៣នាក់។

ក្រុមមន្រ្តីពាក់ព័ន្ធក្នុងប្រទេសបានព្រមានថា ចំនួនអ្នកស្លាប់អាចកើនឡើងយ៉ាងខ្លាំង ដោយសារតែអាកាសធាតុអាក្រក់បានរារាំងអ្នកជួយសង្គ្រោះនៅភាគខាងត្បូង ហើយការស្វែងរកមនុស្សក្នុងអាគារបែកបាក់កំពុងតែប្រឈមមុនខអាក្រក់ទៅៗដោយសារតែបញ្ហាអាកាសធាតុមិនអំណោយផល។

អនុប្រធានាធិបតីតួកគីលោក Fuat Oktay បាននិយាយកាលពីថ្ងៃអង្គារថា អាជ្ញាធរតួកគីបានបញ្ជូនបុគ្គលិកស្វែងរក និងជួយសង្គ្រោះសរុបចំនួន ១២,១៨១ នាក់ទៅកាន់តំបន់រញ្ជួយដី រួមទាំងបុគ្គលិកសង្គ្រោះបន្ទាន់បរទេសចំនួន ៣,២៩៤ នាក់ដែលត្រូវបានបញ្ជូនដោយប្រទេសចំនួន ១៤ ។ ប្រតិបត្តិការសង្គ្រោះបន្ទាន់កំពុងត្រូវបានរារាំងដោយព្យុះព្រិលរដូវរងា ខណៈដែលសីតុណ្ហភាពបានកត់ត្រាថាដក ១០ អង្សាសេនៅក្នុងខេត្តភាគច្រើននៃខេត្តចំនួន ១០ ដែលរងផលប៉ះពាល់។

លោក Oktay បាននិយាយថា យ៉ាងហោចណាស់អគារចំនួន ៥,៧៧៥ ត្រូវបានរងការខូចខាត ហើយមនុស្សជាង ៨,០០០ នាក់ត្រូវបានទាញចេញពីគំនរបាក់បែក ប៉ុន្តែក្រុមទាំងនោះក៏កំពុងតស៊ូជាមួយនឹង "លក្ខខណ្ឌអាកាសធាតុធ្ងន់ធ្ងរខ្លាំង"ថែមទៀតផង ។

ចាប់តាំងពីការរញ្ជួយដីដ៏ធំចំនួនពីរក្នុងកម្រិត ៧.៧ និង ៧.៦ រិចទ័របានវាយប្រហារខេត្ត Kahramanmaras កាលពីថ្ងៃចន្ទ យ៉ាងហោចណាស់ការរញ្ជួយដីចំនួន ៣១២ បានកើតឡើងនៅភាគអាគ្នេយ៍នៃទីក្រុង Türkiye និងតំបន់ជុំវិញ។

កំពង់ផែ Iskenderun ក្នុងខេត្ត Hatay ភាគខាងត្បូងប្រទេស Türkiye បានបន្តឆេះដោយអណ្តាតភ្លើងដ៏ធំបន្ទាប់ពីការរញ្ជួយដីបានធ្វើឱ្យខូចខាតសម្ភារៈបរិក្ខារ និងកុងតឺន័រ និងបង្កបញ្ហាដល់ប្រព័ន្ធថាមពល៕