ចិន៖ អ្នកបង្កាត់ពូជទន្សាយម្នាក់នៅក្នុងភូមិមួយក្នុងខេត្ត Hubei ភាគកណ្តាលនៃប្រទេសចិនកំពុងជំរុញការលក់ទន្សាយចិញ្ចឹមផ្ទាល់ខ្លួន ខណៈដែលចំនួនអតិថិជនបានកើនឡើងយ៉ាងខ្លាំងនៅក្នុងឱកាសនៃឆ្នាំទន្សាយ។
លោក Wang Yilong ដែលជាអ្នកបង្កាត់ពូជសត្វទន្សាយជំនាន់ទី ២ នៃអាជីវកម្មចិញ្ចឹមសត្វទន្សាយជាលក្ខណៈគ្រួសារ បានមើលឃើញពីឱកាសទីផ្សារបន្ទាប់ពីធ្វើការនៅក្នុងមជ្ឈមណ្ឌលបច្ចេកវិទ្យានៃទីក្រុង Shenzhen ។
លោក Wang បានត្រលប់ទៅភូមិកំណើតរបស់គាត់នៅទីក្រុង Xiaogan នៃខេត្ត Hubei ហើយបានកាន់កាប់អាជីវកម្មគ្រួសារដើម្បីផ្តោតលើការបង្កាត់ពូជសត្វទន្សាយដែលរកកម្រៃបាន។ គាត់ក៏រៀបចំវគ្គផ្សាយផ្ទាល់ជាទៀងទាត់ ដើម្បីបង្ហាញ និងលក់ទន្សាយសត្វចិញ្ចឹមដល់អ្នកដែលចូលចិត្តទន្សាយទូទាំងប្រទេសចិនថែមទៀតផង។
លោក Wang បានឲ្យដឹងថា"បច្ចុប្បន្ននេះ យើងមានពូជទន្សាយចិញ្ចឹមជាង១០ ពូជដែលពេញនិយមបំផុតដែលមានតម្រូវការខ្ពស់គឺ ទន្សាយ Angora និង "ទន្សាយឆ្មា" ព្រមទាំងទន្សាយជាច្រើនប្រភេទទៀត។ ក្រៅពីទន្សាយ Angora ទន្សាយពូជ pygmy ក៏មានប្រជាប្រិយភាពខ្លាំងផងដែរ។
សម្រាប់លោក Wang អតិថិជនរបស់គាត់ភាគច្រើនមកពីទីក្រុងលំដាប់កំពូល ដូចជាទីក្រុងប៉េកាំង សៀងហៃ និងក្វាងចូវ ហើយជារៀងរាល់ខែមានទន្សាយប្រហែល ១,០០០ ទៅ ២,០០០ត្រូវបានអតិថិជនជាវយកទៅចិញ្ចឹម នឹងយកសម្រាប់ធ្វើអាជីវកម្មផ្សេងៗ៕
