Yearendyearend1140x150
Img 0571

ការ«ផ្គត់ផ្គង់ទឹក»ក្នុងក្រុងព្រះសីហនុនឹងដំណើរការឡើងវិញឆាប់ៗនេះ

សង្គម
/
អ្នកយកព័ត៌មាន:
Kun Sombor
/

ព្រះសីហនុ៖ រដ្ឋបាលខេត្តព្រះសីហនុ បានដាក់ចេញនូវវិធានការជាបន្តបន្ទាប់ ដើម្បីដោះស្រាយនូវបញ្ហាកង្វះទឹកប្រើប្រាស់ក្នុងក្រុងព្រះសីហនុ។វិធានការនេះ ធ្វើឡើងក្រោយពីមាន​ករណី​បាក់​ទំនប់​អាង​ទឹក​ ស្តុក​ទឹក​ទី២ ​(ក្បាលឆាយ)​ ក្នុង​ខេត្ត​ព្រះសីហនុ​ ដែល​បាន​បណ្ដាល​ឲ្យ​ប្រជាជន​ ជា​ពិសេស​នៅ​តាម​ក្រុង​ប្រឈមនឹងបញ្ហាខ្វះ​ទឹក​ស្អាត​ប្រើប្រាស់។​គិតត្រឹមម៉ោងនេះ រដ្ឋបាលខេត្តព្រះសីហនុ បានអះអាងថា ការ«ផ្គត់ផ្គង់ទឹក»ក្នុងក្រុងព្រះសីហនុនឹងដំណើរការឡើងវិញឆាប់ៗនេះ។

ភ្លាមៗក្រោយពីទទួលបានព័ត៌មានករណី​បាក់​ទំនប់​អាង​ទឹក​ ស្តុក​ទឹក​ទី២ ​(ក្បាលឆាយ)​លោក គួច ចំរើន អភិបាល នៃគណៈអភិបាលខេត្ត ក្រោមការដឹកនាំផ្ទាល់ ដោយបានបញ្ជូនការងារនេះទៅក្រុមហ៊ុនផ្គត់ផ្គង់ទឹកស្អាតអានកូ ដើម្បីធ្វើជួសជុលពង្រឹងទំនប់នេះបន្ត។

អភិបាលខេត្តព្រះសីហនុ បានចាត់ការងារចំនួន៤ក្រុមដោយក្រុមការងារទី១ ជួសជុលក្បាលបូមដែលរងការខូចខាតពីការបាក់ទំនប់នេះឱ្យបានលឿនឆាប់តាមដែលអាចធ្វើទៅបាន។ក្រុមទី២៖ ក្រុមជំនាញការងារអគ្គិសនីដែលនឹងត្រូវដោះស្រាយបញ្ហាអគ្គិសនីដែលខូចខាត។ក្រុមទី៣៖ក្រុមជួសជុលទប់ទំនប់ឡើងវិញ និង ក្រុមការងារទី៤៖ក្រុមតបណ្ដាញទុយោ ដើម្បីបូមទឹកចេញពីស្ថានីយទី១ យកទៅចម្រោះនៅស្ថានីយទី២ និង បន្តចម្រោះសម្អាតនៅស្ថានីយទី៣ដូចគ្នា។

លោក ឃាង ភារម្យ អ្នកនាំពាក្យសាលាខេត្តព្រះសីហនុ បានប្រាប់ស៊ីស៊ីថាមស៍ថា ទំនប់ទី៣ គឺជាទំនប់យុទ្ធសាស្ត្រដែលការពារទំនប់ទី៤ ដូច្នេះទើបថ្នាក់ដឹកនាំខេត្តសម្រេចចិត្តចាត់អាទិភាព ជួសជុលទំនប់នេះមុនគេបំផុត។ ជាមួយគ្នានេះអភិបាលខេត្ត បានបញ្ជូនក្រុមការងារបច្ចេកទេស និង គ្រឿងចក្របន្ថែមដើម្បីបង្កើនល្បឿនជួសជុលតភ្ជាប់ទំនប់ទី២ឱ្យបានឆាប់រួចរាល់។

ទាក់ទងនឹងការជួសជុលបណ្តាញអគ្គិសនីលោក ឃាង ភារម្យ បានអះអាងថា រៀបចំរួចរាល់ដោយរង់ចាំតែតភ្ជាប់ចរន្តចូលទៅម៉ាស៊ីនបូមទឹកតែប៉ុណ្ណោះ។បើតាមការបញ្ជាក់របស់តំណាងក្រុមហ៊ុនផ្គត់ផ្គង់ទឹកស្អាតអានកូ ចំពោះការតម្លើងក្បាលម៉ាស៊ីនបូមទឹក និង ការតភ្ជាប់ទុយោទឹកទៅស្ថានីយចម្រោះទឹកស្អាត RCI នឹង បញ្ចប់រួចរាល់ចំនួន០១ម៉ាស៊ីនក្នុងចំណោម០២ម៉ាស៊ីននៅល្ងាចនេះ នឹងអាចធ្វើការផ្គត់ផ្គង់ទឹកឡើងវិញនៅតំបន់ប្រមាណ១០ទីតាំងក្នុងក្រុងព្រះសីហនុដែលរងផលប៉ះពាល់៕


ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង