វ៉ាស៊ីនតោន៖ ប្រធានាធិបតីអាម៉េរិក លោក ចូ បៃដិន នឹងជួបពិភាក្សាជាមួយនាយករដ្ឋមន្ត្រីជប៉ុន លោក Fumio Kishida នៅសេតវិមាននៅថ្ងៃទី ១៣ ខែមករានាសប្តាហ៍ក្រោយ ជំនួបនេះនឹងពិភាក្សាអំពីប្រទេសកូរ៉េខាងជើង អ៊ុយក្រែន ភាពតានតឹងរបស់ចិនជាមួយកោះតៃវ៉ាន់ និង «ឥណ្ឌូប៉ាស៊ីហ្វិកសេរី និងបើកចំហ»។
មេដឹកនាំទាំងពីរនឹងពិភាក្សាអំពី "បញ្ហាក្នុងតំបន់ និងពិភពលោកជាច្រើន រួមទាំងអាវុធប្រល័យលោកខុសច្បាប់របស់សាធារណរដ្ឋប្រជាមានិតប្រជាធិបតេយ្យកូរ៉េ និងកម្មវិធីមីស៊ីលផ្លោង សង្រ្គាមដ៏ឃោរឃៅរបស់រុស្ស៊ីប្រឆាំងនឹងអ៊ុយក្រែន និងការរក្សាសន្តិភាព និងស្ថិរភាពនៅទូទាំងច្រកសមុទ្រតៃវ៉ាន់"។
លោក Kishida បានប្រកាសអំពីដំណើរទស្សនកិច្ចនៅសហរដ្ឋអាម៉េរិកនៅសប្តាហ៍ក្រោយនៅក្នុងសន្និសីទសារព័ត៌មានប្រចាំឆ្នាំដែលត្រូវបានចាក់ផ្សាយតាមទូរទស្សន៍ជាតិកាលពីថ្ងៃពុធ។ លោកនឹងពិភាក្សាអំពីគោលនយោបាយសន្តិសុខថ្មីរបស់ទីក្រុងតូក្យូ និងបញ្ជាក់ឡើងវិញនូវទំនាក់ទំនងជិតស្និទ្ធជាមួយសហរដ្ឋអាម៉េរិក។ កាលពីខែធ្នូ ប្រទេសជប៉ុនបានបង្ហាញពីការកសាងយោធាដ៏ធំបំផុតរបស់ខ្លួនចាប់តាំងពីសង្គ្រាមលោកលើកទីពីរ ហើយមន្រ្តីសេតវិមានបាននិយាយថា លោក Biden នឹងបញ្ជាក់ជាថ្មីនូវការគាំទ្រពេញលេញរបស់គាត់ចំពោះផែនការរបស់ប្រទេសជប៉ុន៕
