ចិន៖ ក្រុមជនជាតិភាគតិច ម៉ៅ ដែលជាជនជាតិមួយក្នុងចំណោមក្រុមជនជាតិភាគតិចចិនទាំង ៥៦ នៅក្នុងប្រទេសចិន កំពុងប្រារព្ធពិធីបុណ្យចូលឆ្នាំថ្មី ម៉ៅ ដើម្បីបួងសួងដល់ឆ្នាំដែលមានភាពរុងរឿងជាមួយនឹងការប្រមូលផលនាពេលខាងមុខនេះ។
បុណ្យចូលឆ្នាំថ្មី ម៉ៅ ធ្លាក់នៅថ្ងៃដំបូងក្នុងប្រតិទិន ម៉ៅ គឺជាពិធីបុណ្យប្រពៃណីដ៏សំខាន់បំផុតសម្រាប់ប្រជាជន ម៉ៅ ។ ទោះជាយ៉ាងនេះក្តី វិស្សមកាលត្រូវធ្វើឡើងតាមកាលបរិច្ឆេទផ្សេងៗគ្នានៅក្នុងភូមិ ម៉ៅ ផ្សេងៗគ្នា ហើយការប្រារព្ធពិធីរបស់វាជាធម្មតាមានរយៈពេលពី ៣ ទៅ ១៥ ថ្ងៃ។
ជនជាតិ ម៉ៅ នៅក្នុងភូមិ Yaogao ភាគខាងត្បូងតំបន់ស្វយ័ត Guangxi Zhuang បានប្រារព្ធពិធីចូលឆ្នាំថ្មីរបស់ពួកគេកាលពីថ្ងៃព្រហស្បតិ៍ឆ្នាំនេះ។ ពួកគាត់បានកាប់ និងចែកសាច់ដើម្បីអបអរដល់រដូវច្រូតកាត់ ធ្វើនំអន្សម ត្រីអាំង និងមានពិធីជប់លៀងជាមួយក្រុមគ្រួសារ ដើម្បីបួងសួងសុំឲ្យមានជីវភាពធូរធារ។
ជនជាតិ ម៉ៅ ក៏លេងភ្លេង Lusheng ដែលជាឧបករណ៍ធ្វើពីឫស្សី ដើម្បីរួមដំណើរជាមួយរបាំ Caitang របស់ក្មេងស្រីៗ ដើម្បីស្វាគមន៍ឆ្នាំខាងមុខនេះ។ Miao New Year ត្រូវបានចុះក្នុងបញ្ជីបេតិកភណ្ឌវប្បធម៌អរូបីនៃប្រទេសចិនជាក្រុមទីពីរក្នុងឆ្នាំ ២០០៨។ ប្រទេសចិនមានប្រជាជន ម៉ៅ ជាង ១១ លាននាក់ ដែលភាគច្រើនរស់នៅភាគខាងត្បូង និងភាគនិរតីនៃប្រទេសចិន៕
