ក្រុង«ខាគៀវ»រៀបចំពិធីបុណ្យណូអែលក្រោមដីពិសេសចំពេលមានវិបត្តិសង្រ្គាម

អ៊ុយក្រែន៖ ទីក្រុង ខាគៀវ ក្នុងប្រទេសអ៊ុយក្រែនបានរៀបចំការប្រារព្ធពិធីពិសេសនៅក្រោមដីសម្រាប់ពិធីបុណ្យណូអែល ដោយមានការតាំងបង្ហាញអំពីដើមឈើយក្ស ការសម្តែងលើឆាក និងការចាត់ថ្នាក់នៃការតុបតែងចម្រុះពណ៌នៅក្នុងស្ថានីយ៍រថភ្លើងក្រោមដី ចំពេលសង្រ្គាមរវាងរុស្សី និងអ៊ុយក្រែនកំពុងបន្តដោយពុំដឹងថាថ្ងៃណានិងបិតបញ្ចប់។

ដើមឈើណូអែលជាផ្លូវការសម្រាប់ឆ្នាំថ្មីត្រូវបានដាក់បង្ហាញនៅស្ថានីយ៍រថភ្លើងក្រោមដីដែលមានពិដានខ្ពស់បំផុតនៅទូទាំងទីក្រុង។ នៅជាប់នឹងដើមឈើជាងប្រាំម៉ែត្រ ឆាកសម្រាប់ការសម្តែងរបស់កុមារត្រូវបានបង្កើតឡើង។

ការរៀបចំដ៏ប៉ិនប្រសប់ រួមជាមួយនឹងការសម្តែងដ៏ក្លៀវក្លា បានទាក់ទាញអ្នកស្រុកជាច្រើនឱ្យទទួលបាននូវគំនិតវិជ្ជមាន និងទទួលបានសន្តិភាពក្នុងចិត្តរបស់ពួកគេប្រឆាំងនឹងសង្រ្គាម។ រដ្ឋាភិបាលក្នុងតំបន់បាននិយាយថា កន្លែងពិធីបុណ្យនឹងនៅតែបើករហូតដល់ពាក់កណ្តាលខែមករាឆ្នាំក្រោយ។

អភិបាលក្រុង Kharkov លោក Igor Terekhov បានឲ្យដឹងថា នេះជាអ្វីដែលពលរដ្ឋទាំងអស់គ្នាចង់បានវាជាការសប្បាយមួយបែបតាមប្រពៃណីបែបអ៊ឺរ៉ុប។ លោកបន្តថា កាលពីឆ្នាំមុនយើងតែងតែដាក់ដើមឈើណូអែលនៅលើទីលានដ៏ធំបំផុតនៅអឺរ៉ុប។ វាធ្លាប់ជាដើមឈើណូអែលល្អបំផុតនៅប្រទេសអ៊ុយក្រែនឥឡូវនេះយើងមិនអាចដាក់វានៅលើដីបានទេដោយសារតែសង្រ្គាមកំពុងបង្កការគំរាមគំហែងយ៉ាងខ្លាំងដល់ប្រទេស និងប្រជាជនរបស់យើង។

ក្មេងស្រីម្នាក់ឈ្មោះ Marina Vasilyeva បានជូនពរខ្លួនឯងនូវតុក្កតា កាបូប និងលុយសម្រាប់ម្តាយរបស់នាងនាឪកាសពិធីបុណ្យណូអែលខាងមុខនេះ។ ស្ថានីយ៍ក្រោមដីពីរផ្សេងទៀតនៅក្នុងទីក្រុងក៏ត្រូវបានតុបតែងសម្រាប់ឆ្នាំថ្មីផងដែរ។ ដោយសារស្ថានីយត្រូវបានសាងសង់ឡើងដំបូងជាជម្រកតាម មនុស្សពេញវ័យ និងកុមារអាចមកទីនេះដោយសុវត្ថិភាព និងរីករាយជាមួយបរិយាកាសពិធីបុណ្យ។

អ្នកស្រី Natalia Ivanenko ដែលត្រូវបានបង្ខំឱ្យជម្លៀសចេញពីតំបន់ Kupyansk ដោយសារតែជម្លោះបាននិយាយថា ពិធីបុណ្យក្រោមដីបានបន្ធូរបន្ថយជាបណ្តោះអាសន្នមនុស្សពីភាពតានតឹងនៃការប្រយុទ្ធដ៏ខ្លាំងក្លាខាងលើ។ នាងបន្តថា "ព្រឹត្តិការណ៍នេះគឺអស្ចារ្យព្រោះវាបានលាងជម្រះភាពអវិជ្ជមានដែលបានបង្កើតមកលើពួកយើង។ យើងត្រូវការអ្វីដែលវិជ្ជមាន និងសប្បាយៗ ហើយនោះជាមូលហេតុដែលយើងនៅទីនេះ"៕