បាងកក៖ បុត្រីច្បងរបស់ព្រះមហាក្សត្រថៃ Bajrakitiyabha Narendira Debyavati ត្រូវបានបញ្ជូនទៅសម្រាកព្យាបាលនៅមន្ទីរពេទ្យ បន្ទាប់ពីបានដួលពេលកំពុងនៅជាមួយសត្វឆ្កែរបស់ទ្រង់កាលពីសប្តាហ៌មុន។
ការិយាល័យរាជវង្សបានប្រកាសនៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ថា "ក្នុងអំឡុងពេលហ្វឹកហាត់ឆ្កែរបស់ទ្រង់ ព្រះអង្គម្ចាស់ក្សត្រី បានសន្លប់ ដោយសារជំងឺបេះដូង" ភ្លាមៗនោះព្រះនាង Bajrakitiyabha ត្រូវបានបញ្ជូនទៅព្យាបាលនៅមន្ទីរពេទ្យ Pak Chong Nana ក្នុងខេត្ត Nakhon Ratchasima។
បន្ទាប់ពីស្ថានភាពរបស់នាងមានស្ថេរភាព ទ្រង់ត្រូវបានដឹកតាមឧទ្ធម្ភាគចក្រ ដើម្បីព្យាបាលបន្ថែមនៅមន្ទីរពេទ្យ Chulalongkorn ក្នុងទីក្រុងបាងកក។ ម្ចាស់ក្សត្រី Bajrakitiyabha នៅតែស្ថិតក្នុងមន្ទីរពេទ្យ Chulalongkorn នេះបើយោងតាមការិយាល័យរាជវង្ស។
