Cc time web banner 054637

«ធាតុ»លោកជាំងហ្សេមីនត្រូវបានយកទៅទម្លាក់នៅទន្លេយ៉ាងសេ

អន្តរជាតិ
/
អ្នកយកព័ត៌មាន:
កូ រដ្ឋា
/

ចិន៖ ធាតុរបស់សមមិត្ត ជាំង ហ្សេមីន ត្រូវបានយកទៅទម្លាក់នៅឯមាត់ទន្លេ យ៉ាងសេ កាលពីថ្ងៃអាទិត្យ ស្របតាមការចង់បានរបស់លោក និងក្រុមគ្រួសាររបស់គាត់។ លោក ជាំង បានទទួលមរណភាពនៅទីក្រុងសៀងហៃកាលពីថ្ងៃទី ៣០ ខែវិច្ឆិកា ក្នុងជន្មាយុ ៩៦ឆ្នាំ។ លោកត្រូវបានបូជានៅថ្ងៃទី ៥ ខែធ្នូ ក្នុងទីក្រុងប៉េកាំង។

បើតាមមន្រ្តីចិនទទួលបន្ទុកដោយគណៈកម្មាធិការមជ្ឈិមបក្សកុម្មុយនិស្តចិន Cai Qi បានឲ្យដឹងថាភរិយារបស់លោក Jiang លោក Wang Yeping និង សាច់ញាតិផ្សេងទៀតបានយកធាតុរបស់លោក ជាំង ទៅកាន់ទន្លេយ៉ាងសេ ដោយនេះត្រូវបានធ្វើនៅក្នុងវិធីដ៏គួរឱ្យគោរព និងឧឡារិកបំផុត ដើម្បីបង្ហាញពីទុក្ខសោក និងគោរពដល់ការចងចាំរបស់ សមមិត្តជាំង ។

លោក ជាំង ត្រូវបានសាទរថាជាមេដឹកនាំឆ្នើមដែលមានកិត្យានុភាពខ្ពស់ដែលត្រូវបានទទួលស្គាល់ដោយបក្សទាំងមូល យោធាទាំងមូល និងប្រជាជនចិនគ្រប់ក្រុមជនជាតិភាគតិច ម៉ាក្សនិយមដ៏អស្ចារ្យ លោកជាំងក៏ជាមេដឹកនាំឆ្នើមនៃបុព្វហេតុដ៏អស្ចារ្យនៃសង្គមនិយមជាមួយនឹងចរិតលក្ខណៈចិន។ លោកគឺជាស្នូលនៃជំនាន់ទីបីនៃការដឹកនាំសមូហភាពកណ្តាលរបស់បក្ស និងជាស្ថាបនិកសំខាន់នៃទ្រឹស្តីនៃតំណាងបី។ លោក Jiang បានបង្ហាញបំណងចង់ឲ្យធាតុរបស់លោកបានរាយប៉ាយទៅក្នុងទន្លេ Yangtze ។ គាត់បានលះបង់ពេញមួយជីវិតរបស់គាត់ដើម្បីជាតិមាតុភូមិ និងប្រជាជនដោយគ្មានការសោកស្តាយ។

បន្ថែមពីនេះនៅព្រឹកថ្ងៃអាទិត្យ ទង់ជាតិត្រូវបានបង្ហោះនៅពាក់កណ្តាលដើមក្នុងទីក្រុង Zhongnanhai ជាកន្លែងដែល Jiang បានធ្វើការជាយូរមកហើយ។ ការរៀបចំផ្កាដែលបង្ហាញដោយភរិយារបស់ Jiang គឺ អ្នកស្រីWang Yeping និងសមាជិកគ្រួសារត្រូវបានដាក់នៅមុខពិធីដង្ហែល។ សមាជិកនាំមុខគេនៃការិយាល័យនៃគណៈកម្មាធិការបុណ្យសពរបស់សមមិត្ត Jiang Zemin រួមជាមួយសាច់ញាតិរបស់ លោក Jiang បានមកដល់សាលដើម្បីគោរពវិញ្ញាណក្ខន្ធដោយស្ងៀមស្ងាត់។ ពួកគេបានឱនក្បាលបីដងដើម្បីគោរពលោក Jiang ក្រោយមកធាតុរបស់លោកក៏ត្រូវបានដង្ហែលទៅកាន់ទន្លេងយ៉ាងសេហើយទម្លាក់នៅតាមទន្លេ៕  


ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង