ភ្នំពេញ៖ ក្រសួងកិច្ចការនារី និងអង្គការអុកស្វាម (OXFAM) នឹងរៀបចំវរទិកាជាតិស្ដីពី ការលើកកម្ពស់សហគ្រិនភាពរបស់ស្រ្ដីនៅក្នុងតំបន់អាស៊ាន នៅថ្ងៃទី០៧ កញ្ញា ស្អែកនេះ។ វេទិកាជាតិនេះរៀបចំឡើង ដើម្បីរៀបចំផែនទីបង្ហាញផ្លូវសម្រាប់គោលនយោបាយគាំពារសង្គម នឹងគាំពារគ្រួសារក្នុងចំណោមសហគ្រិនស្រ្តីនៅកម្ពុជា និង ប្រទេសសមាជិកអាស៊ាន។
ក្រសួងកិច្ចការនារី និងអង្គការអុកស្វាម (OXFAM) នឹងរៀបចំវរទិកាជាតិស្ដីពី «ការលើកកម្ពស់សហគ្រិនភាពរបស់ស្រ្ដីនៅក្នុងតំបន់អាស៊ាន តាមរយៈគោលនយោបាយគាំពារសង្គម និងគាំពារគ្រួសារ» ដើម្បីលើកកម្ពស់សហគ្រិនភាពរបស់ស្រ្តី ពង្រឹងកិច្ចគាំពារសង្គម និងដោះស្រាយបញ្ហាការងារថែទាំគ្មានប្រាក់កម្រៃ និងការងារផ្ទះនៅតំបន់អាស៊ាន។
គួរបញ្ជាក់ថា វេទិកានេះនឹងមានអ្នកចូលរួមផ្ទាល់ប្រមាណជា ២០០នាក់ និងចូលរួមតាមរយៈ ZOOM ប្រមាណជា ៥០០នាក់៕
