ចិន៖ ខ្យល់ព្យុះកំបុតត្បូងមួយបានបោកបក់លើទីប្រជុំជន Xiqiao នៃទីក្រុង Foshan ក្នុងខេត្ត Guangdong កាលពីថ្ងៃទី២ កក្កដា ដោយមិនទាន់មានសេចក្តីរាយការណ៍ថា មានអ្នកស្លាប់ និងរបួសនៅឡើយទេ។
បាតុភូតនេះមានរយៈពេលប្រហែល ១០ នាទី ដោយឃ្លីបវីដេអូដែលថតដោយអ្នកស្រុក បង្ហាញពីប្រភពទឹករាងមូល ផ្លាស់ទីយ៉ាងលឿនឆ្ពោះទៅឆ្នេរសមុទ្រ ហើយចុះខ្សោយបន្តិចម្តងៗ នៅពេលទៅដល់ច្រាំង មុនពេលចុះខ្សោយនៅមាត់សមុទ្រ។
ព្យុះនេះ ជាប្រភេទព្យុះកំបុតត្បូង ជាទូទៅកើតឡើងពីលើផ្ទៃទឹកក្តៅ ដោយចុះពីពពក ហើយលាតសន្ធឹងដោយផ្ទាល់ទៅផ្ទៃទឹក។ វាបង្វិល និងផ្លាស់ទីក្នុងពេលដំណាលគ្នា ហើយមានគ្រោះថ្នាក់ដូចព្យុះកំបុតត្បូង។
យោងតាមស្ថានីយឧតុនិយមក្នុងតំបន់ ខ្យល់ព្យុះកំបុតត្បូងបានបំផ្លិចបំផ្លាញរយៈពេលប្រហែល ២ ទៅ ៣ នាទី ធ្វើឱ្យខូចខាតដល់កន្លែងធ្វើការ អគាររោងចក្រ និងចង្កៀងបំភ្លឺផ្លូវ។ ពិសេសធ្វើឲ្យផ្លូវខូចខាតដល់ចម្ងាយប្រហែល ១,២ គីឡូម៉ែត្រ ទទឹងប្រហែល ១៦០ ម៉ែត្រ។
ជាងនេះទៅទៀត បំពង់ទឹកបានប៉ះនឹងផ្ទៃទឹកនៃឈូងសមុទ្រ Qing'ao ក្នុងតំបន់ Nan'ao នៃទីក្រុង Shantou ជាមួយនឹងហេដ្ឋារចនាសម្ព័ន្ធមួយចំនួននៅតាមបណ្តោយច្រាំងនោះបានរងការខូចខាត តែមិនមានអ្នកស្លាប់និងរបួសនោះទេ៕
