Foton on ads news final
Cct850x100 1
Sme laon web banner(1800 x 300)

រុស្ស៊ីនិងអ៊ុយក្រែនបន្តរាយការណ៍អំពីវាយប្រហារសម្ភារៈយោធារបស់គ្នាទៅវិញទៅមក

អន្តរជាតិ
/
អ្នកយកព័ត៌មាន:
លី ម៉ាលីង
/
រុស្ស៊ីនិងអ៊ុយក្រែនបន្តរាយការណ៍អំពីវាយប្រហារសម្ភារៈយោធារបស់គ្នាទៅវិញទៅមក ប្រភពរូប៖ ស៊ីស៊ីធីវី

រុស្ស៊ី៖ ប្រទេសរុស្ស៊ី និងអ៊ុយក្រែនកាលពីថ្ងៃទី២២ បានរាយការណ៍ពីការវាយប្រហារលើសម្ភារៈយោធា និងបុគ្គលិកទៅវិញទៅមក ខណៈដែលជម្លោះនៅតែបន្តអូសបន្លាយ។

ក្រសួងការពារជាតិរុស្ស៊ីបាននិយាយថា កងកម្លាំងរបស់ខ្លួន បានវាយប្រហារលើគោលដៅជាច្រើននៅ អ៊ុយក្រែន ហើយកងកម្លាំងអាកាសរុស្ស៊ី បានសម្លាប់ទាហានអ៊ុយក្រែនជិត ៥០០ នាក់ និងបានបំផ្លាញចំនួនអាវុធ និងឧបករណ៍មួយចំនួននៃកងពលតូចថ្មើរជើងមេកានិចទី ៥៩ របស់កងទ័ពអ៊ុយក្រែននៅឯកន្លែងផលិតកប៉ាល់ Nikolaev Okean ។

យោងតាមក្រសួង អង្គភាពមីស៊ីល និងកាំភ្លើងធំរបស់រុស្ស៊ី បានវាយប្រហារលើគោលដៅយោធាអ៊ុយក្រែនជាង ២៥០។ យន្តហោះចម្បាំងរុស្ស៊ីបានបំផ្លាញឃ្លាំងអាវុធរបស់អ៊ុយក្រែនចំនួន ៥ គ្រឿង ប្រព័ន្ធមីស៊ីលការពារដែនអាកាស "Buk-M1" មួយ ព្រមទាំងទាហានអ៊ុយក្រែន និងអាវុធជាច្រើនកន្លែង។

នាថ្ងៃដដែល អ្នកនាំពាក្យអគ្គសេនាធិការកងទ័ពអ៊ុយក្រែនបាននិយាយថា កងទ័ពរុស្ស៊ីនៅតែប្រមូលផ្តុំកម្លាំងរបស់ខ្លួនលើទិសដៅ Severodonetsk និង Bakhmut ប៉ុន្តែការតស៊ូរបស់កងទ័ពអ៊ុយក្រែននៅតែបន្ត។

អ្នកនាំពាក្យនៃអគ្គសេនាធិការកងទ័ពអ៊ុយក្រែនក៏បានបញ្ជាក់ផងដែរថា កងកម្លាំងអាកាសអ៊ុយក្រែនបានបើកការវាយប្រហារតាមអាកាសលើគោលដៅរបស់រុស្ស៊ី ដោយបានបំផ្លាញរថពាសដែកប្រហែល ១០ គ្រឿង និងបណ្តាលឱ្យបាត់បង់បុគ្គលិក និងអាវុធរបស់រុស្ស៊ីផងដែរ៕

Khcct banner

អត្ថបទទាក់ទង