អាល្លឺម៉ង់ស្នើកំណែទម្រង់អឺរ៉ុបធំៗដើម្បីងាយស្រួលឲ្យ«ប្រទេសផ្សេងទៀតចូលណាតូ»

អាល្លឺម៉ង់៖ អធិការបតីអាល្លឺម៉ង់លោក Olaf Scholz បានផ្តល់យោបល់ថា កំណែទម្រង់អឺរ៉ុបដ៏សំខាន់មួយ គឺចាំបាច់ដើម្បីធ្វើឱ្យវាកាន់តែងាយស្រួលសម្រាប់ប្រទេសថ្មីក្នុងការចូលរួមក្នុងប្លុកនេះ។ លោកបានបង្ហាញគំនិតនេះក្នុងបទសម្ភាសន៍ជាមួយទីភ្នាក់ងារព័ត៌មាន DPA។

ក្នុងអំឡុងដំណើរទស្សនកិច្ចរួមគ្នានាពេលថ្មីៗនេះ ទៅកាន់ទីក្រុងគៀវជាមួយមេដឹកនាំនៃប្រទេសបារាំង និងអ៊ីតាលី លោក Scholz បានបញ្ជាក់យ៉ាងច្បាស់ថា ប្រទេសរបស់លោក «ចង់ឱ្យមានការសម្រេចចិត្តជាវិជ្ជមានក្នុងការផ្ដល់ឲ្យអ៊ុយក្រែនជាប្រទេសបេក្ខភាពសហភាពអឺរ៉ុប»។

បណ្តាប្រទេសសហភាពអឺរ៉ុបផ្សេងទៀត បានកំណត់លក្ខខណ្ឌសម្រាប់ស្ថានភាពរបស់អ៊ុយក្រែន ដែលត្រូវបានអនុម័ត ដោយអូទ្រីសស្នើសុំឋានៈបេក្ខជនសម្រាប់បូស្នៀ និងហឺហ្សេហ្គោវីណា និងរ៉ូម៉ានី ស្វែងរកវាសម្រាប់ហ្សកហ្ស៊ី។

លោក Scholz បានសង្កត់ធ្ងន់ថា ប្លុកគួរតែផ្លាស់ប្តូរដើម្បីស្វាគមន៍សមាជិកថ្មីកាន់តែងាយស្រួល។ លោកបន្តថា «ដើម្បីធ្វើបែបនេះបាន វាត្រូវធ្វើទំនើបកម្មរចនាសម្ព័ន្ធ និងដំណើរការធ្វើសេចក្តីសម្រេចចិត្តរបស់ខ្លួន»។

កិច្ចព្រមព្រៀងនៃប្រទេសសហភាពអឺរ៉ុបទាំង ២៧ គឺចាំបាច់ដើម្បីអនុម័តលើឋានៈបេក្ខជនដែលចង់បានរបស់អ៊ុយក្រែន។ របាយការណ៍ប្រព័ន្ធផ្សព្វផ្សាយមុននេះ បានអះអាងថា ប្រទេសហូឡង់ ដាណឺម៉ាក និងអូទ្រីស អាចបោះឆ្នោតប្រឆាំងនឹងបំណងចង់ចូលណាតូរបស់អ៊ុយក្រែន ជុំវិញការព្រួយបារម្ភអំពីអំពើពុករលួយ និងនីតិរដ្ឋនៅក្នុងប្រទេស។

ប៉ុន្តែកាលពីខែមុន រដ្ឋមន្ត្រីការបរទេសរុស្ស៊ី លោក Sergey Lavrov បានបង្ហើបថា ទីក្រុងមូស្គូបានផ្លាស់ប្តូរជំហររបស់ខ្លួនលើបញ្ហានេះ ដោយពន្យល់ថា អាកប្បកិរិយារបស់អឺរ៉ុប អំឡុងពេលជម្លោះ ដែលរួមមាន ការដឹកជញ្ជូនសព្វាវុធទៅកាន់ទីក្រុងគៀវ និងការជំរុញឱ្យមានដំណោះស្រាយយោធាជាដើម។

ការសម្រេចចិត្តចុងក្រោយស្តីពីស្ថានភាពបេក្ខជនសម្រាប់អ៊ុយក្រែន គឺនឹងត្រូវធ្វើឡើងដោយប្រមុខរដ្ឋាភិបាលសហភាពអឺរ៉ុបក្នុងអំឡុងពេលកិច្ចប្រជុំកំពូលរបស់អឺរ៉ុបនៅទីក្រុងព្រុចសែលសប្តាហ៍ក្រោយ៕