ប្រេស៊ីល៖ ប្រទេសប្រេស៊ីល និងប៉ូឡូញ បានរាយការណ៍ពីករណីដំបូងរបស់ពួកគេអំពីជំងឺអុតស្វានៅថ្ងៃទី ៩ និងថ្ងៃទី ១០។ គិតត្រឹមថ្ងៃទី ១០ ចំនួនសរុបនៃករណីឆ្លងជំងឺអុតស្វា នៅប្រទេសអឺរ៉ុបត្រូវបានរាយការណ៍នៅក្នុងប្រទេសមានលើសពី ១,៣០០។
នាយកដ្ឋានសុខាភិបាលប្រេស៊ីល បានចេញសេចក្តីថ្លែងការណ៍មួយ ដោយបញ្ជាក់ពីករណីឆ្លងដំបូងនៃជំងឺអុតស្វាក្នុងប្រទេសប្រេស៊ីល។ សេចក្តីថ្លែងការណ៍បាននិយាយថា បុរសអាយុ ៤១ ឆ្នាំម្នាក់បានឆ្លង ជំងឺអុតស្វា ដែលទើបតែបានធ្វើដំណើរទៅកាន់ប្រទេសអេស្ប៉ាញ និងព័រទុយហ្គាល់ ត្រូវបានសម្រាកនៅមន្ទីរពេទ្យ ហើយស្ថិតក្នុងស្ថានភាពល្អ។ ចំណែកអ្នកមានទំនាក់ទំនងជិតស្និទ្ធជាមួយគាត់ទាំងអស់ត្រូវបានដាក់ឱ្យនៅដាច់ដោយឡែក។
ទីភ្នាក់ងារព័ត៌មានប៉ូឡូញ ក៏បានរាយការណ៍កាលពីថ្ងៃទី ១០ ថា ករណីដំបូងនៃជំងឺអុតស្វា ត្រូវបានរាយការណ៍នៅក្នុងប្រទេសប៉ូឡូញ។
ជំងឺអុតស្វា គឺជាជំងឺរាតត្បាតជាចម្បងនៅក្នុងទ្វីបអាហ្រ្វិកខាងលិច និងកណ្តាល ប៉ុន្តែប្រទេសមួយចំនួន នៅអឺរ៉ុប បានរាយការណ៍ពីករណីជំងឺអុតស្វានាពេលថ្មីៗនេះ។ ប្រហែល ៣០ ប្រទេសបានរាយការណ៍ថាមានច្រើនជាង ១,៣០០ ករណីនៃជំងឺអុតស្វា ដែលភាគច្រើនជាប្រទេសនៅអឺរ៉ុប នេះបើយោងតាមតួលេខរបស់ Reuters ។
ជំងឺអុតស្វា គឺជាជំងឺដែលបណ្តាលមកពីមេរោគអាចចម្លងពីសត្វទៅមនុស្ស ក៏ដូចជាការចម្លងពីមនុស្សទៅមនុស្សផងដែរ។ រោគសញ្ញាជំងឺអុតស្វា ជារឿយៗរួមមានគ្រុនក្តៅ ឈឺក្បាលធ្ងន់ធ្ងរ ឈឺសាច់ដុំ ឈឺខ្នង ខ្វះថាមពល កូនកណ្តុរហើម និងកន្ទួល ឬដំបៅស្បែក។
ក្នុងករណីភាគច្រើន រោគសញ្ញាជំងឺអុតស្វា បាត់ទៅវិញដោយខ្លួនឯងក្នុងរយៈពេលពី ២ ទៅ ៤ សប្តាហ៍។ ប៉ុន្តែអ្នកជំងឺមួយចំនួនអាចជួបប្រទះផលវិបាក និងសូម្បីតែទារកទើបនឹងកើត កុមារ និងមនុស្សដែលមានភាពស៊ាំចុះខ្សោយ អាចប្រឈមនឹងហានិភ័យនៃរោគសញ្ញាធ្ងន់ធ្ងរ និងការស្លាប់៕
