ក្រសួងវប្បធម៌ណែនាំឱ្យប្រើប្រាស់"ទិវានៃក្តីស្រឡាញ់"ស្របតាមគន្លងប្រពៃណីខ្មែរ

ភ្នំពេញ៖ ក្រសួងវប្បធម៌ និងវិចិត្រសិល្បៈ បានចេញសេចក្តីអំពាវនាវដល់មាតា បិតា អាណាព្យាបាល សមត្ថកិច្ចពាក់ព័ន្ធគ្រប់លំដាប់ថ្នាក់ ជាពិសេសយុវជន សូមចូលរួមផ្សព្វផ្សាយ អប់រំ ពន្យល់ណែនាំ និងក្រើនរំលឹកដល់កូនចៅក្នុងគោលដៅប្រើប្រាស់ទិវានៃក្តីស្រឡាញ់ ឱ្យស្របតាមគន្លងប្រពៃណីដ៏ល្អត្រកាលរបស់ខ្មែរ ដើម្បីកិត្តិយស និងភាពថ្លៃថ្នូររបស់ខ្លួនរបស់ក្រុមគ្រួសារខ្លួន ពិសេសដើម្បីរួមចំណែកលើកកម្ពស់កិត្យានុភាពនៃសង្គមជាតិ។