ភ្នំពេញ៖ ក្រុមហ៊ុនលីគបាល់ទាត់កម្ពុជា នៅថ្ងៃទី ១០ កុម្ភៈ បានប្រកាសនិមិត្តសញ្ញាឡូហ្គោថ្មី (LOGO) សម្រាប់ក្របខណ្ឌលីគកំពូលកម្ពុជា ឬ Cambodian Premier League (CPL) និងក្របខណ្ឌលីគលំដាប់ទី២ ឬ Cambodian League 2 ជាផ្លូវការ។ក្រោមវត្តមាននាយកប្រតិបត្តិលោក Satoshi Saito និងមានការចូលរួមពីសមាជិកលីគកំពូលទាំង ៨ក្លិបផងដែរ។
និមិត្តសញ្ញាឡូហ្គោថ្មី (LOGO) ថ្មីនេះ មានមានពណ៌ខ្មៅ ពណ៌ក្រហម និងពណ៌បៃតង ដោយពណ៌ខ្មៅ គឺតំណាងឲ្យសាជីវកម្ម និង ការយល់ឃើញនៃគំនិតច្នៃប្រឌិតថ្មីៗ ពណ៌ក្រហម នៃលីគកំពូល ឬលីគទី១ ត្រូវបានបំផុសគំនិតដោយទង់ជាតិកម្ពុជា ហើយក៏ជាសញ្ញានៃព្រះអាទិត្យរះ និង ការតាំងចិត្ត ខណៈពណ៌បៃតង នៃលីគទី២ តំណាងឲ្យយុវជន ការដុះពន្លកនៃដើមឈើ និងអ្វីៗដែលចាប់ផ្តើមថ្មី។ នេះបើយោងតាមលោក Satoshi Saito។
គួរបញ្ជាក់ថា លីគកំពូលកម្ពុជា ត្រូវបានបើកដំណើរការជាផ្លូវការនៅថ្ងៃទី១០ ខែកុម្ភៈ ឆ្នាំ២០២២ ក្លិបចំនួន៨ មកពីលីគទី១ត្រូវបានអញ្ជើញឱ្យចូលរួមក្នុងការសម្ពោធ។ CPL និងក្រុមក្លឹបនឹងធ្វើការរួមគ្នាដើម្បីនាំមកនូវការផ្លាស់ប្តូរដល់វិស័យបាល់ទាត់អាជីពនៅកម្ពុជា ដោយសង្ឃឹមថារូបថតមួយចំនួននៅទីនេះនឹងផ្តល់ឱ្យអ្នកនូវការយល់ដឹងអំពីអ្វីដែលត្រូវរំពឹងពី CPL ៕
