ភ្នំពេញ៖សម្តេច ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី ៨ កុម្ភៈនេះ បានស្នើសុំឱ្យពលរដ្ឋកាត់បន្ថយការជួបជុំ ផឹកស៊ី កំសាន្តសប្បាយ ដើម្បីទប់កុំឱ្យរាលដាលទៅតាមខេត្តផ្សេងទៀត។នេះបើយោងតាមសារពិសេសសម្ដេចចេញផ្សាយនៅថ្ងៃនេះ។
យោងតាមសារជាសំឡេង សម្តេច ហ៊ុន សែន បានអំពាវនាវឱ្យប្រជាពលរដ្ឋទាំងអស់ត្រូវប្រុងប្រយ័ត្ន ចំពោះការរីករាលដាលកូវីដ-១៩ ជាពិសេសកូវីដបំប្លែងខ្លួនថ្មីប្រភេទអូមីក្រុងដែលកំពុងកើនលើស ២០០នាក់ ក្នុង១ថ្ងៃ គិតត្រឹមថ្ងៃទី ៨ កុម្ភៈ ២០២២។
បើតាមសម្តេច ហ៊ុន សែន សុំឱ្យពលរដ្ឋកុំមើលស្រាលចំពោះជំងឺនេះ បើទោះអូមីក្រុងជំងឺស្រាល តែប្រសិនបើឆ្លងចូលច្រើនក្នុងសហគមន៍វានឹងបង្កជាភាពមហន្តរាយដល់សង្គមជាតិទាំងមូល។
