ក្រសួងសុខាភិបាលប្រកាសរកឃើញ«អូមីក្រុង»១១ករណីទៀតក្នុងសហគមន៍

ភ្នំពេញ៖ ក្រសួងសុខាភិបាល នៅថ្ងៃទី១៧ ខែមករានេះ បានចេញសេចក្តីប្រកាសព័ត៌មាន រកឃើញអ្នកឆ្លងកូវីដថ្មីចំនួន២៩នាក់ ប្រភេទអូមីក្រុង ក្នុងនោះករណីនាំចូលចំនួន១៨នាក់ និងឆ្លងក្នុងសហគមន៍១១នាក់។

បើតាមក្រសួងសុខាភិបាល បានគូសបញ្ជាក់ថា កម្ពុជាបានរកឃើញអ្នកឆ្លងកូវីដថ្មីចំនួន២៩នាក់ ប្រភេទអូមីក្រុង ក្នុងនោះករណីនាំចូលចំនួន១៨នាក់ និង ឆ្លងក្នុងសហគមន៍១១នាក់, អ្នកជំងឺចំនួន១៦នាក់ជាសះស្បើយ មិនមានអ្នកស្លាប់ដោយជំងឺកូវីដ១៩។

គិតត្រឹមការប្រកាសរបស់ក្រសួងសុខាភិបាលថ្ងៃទី១៧ ខែមករា ឆ្នាំ២០២២ កម្ពុជារកឃើញអ្នកឆ្លងជំងឺកូវីដ១៩៖ សរុបចំនួន ១២០,៨២៥នាក់, អ្នកជាសះស្បើយសរុបចំនួន១១៧,១១៨នាក់, ស្លាប់សរុបចំនួន៣,០១៥នាក់៕