![](https://cdn.cc-times.com/kh.cc-times.com/media/1697/large/%E1%9F%A1.jpg?1588130056)
ភ្នំពេញ៖ គម្រោងក្រោមកម្ចីឥណទានសម្បទានពីរដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការអន្តរជាតិជប៉ុនប្រចាំកម្ពុជា ក្នុងការស្ថាបនាកំណាត់ផ្លូវជាតិលេខ ៥ ភាគខាងជើង ឆ្លងកាត់ពីខេត្តបាត់ដំបងទៅស្រុកសិរីសោភ័ណ ដែលមានប្រវែងសរុប ៨៤,៧៤ គីឡូម៉ែត្រ សម្រេចបាន ៨០,០២% គិតត្រឹមថ្ងៃទី២៤ ខែមេសា ឆ្នាំ២០២០។
គម្រោងធ្វើឱ្យប្រសើរឡើងកំណាត់ផ្លូវជាតិលេខ ៥ ត្រូវបានបែងចែកជាបីផ្នែកធំៗរួមមាន ផ្នែកខាងជើងសម្រេចបាន ៨០,០២% ផ្នែកកណ្តាលសម្រេចបាន ១៤,៩០% និងផ្នែកខាងត្បូងសម្រេចបាន ២៣,៩០% ដោយមានការពង្រីកកំណាត់ផ្លូវជាតិមានស្រាប់ពី២គន្លងទៅ៤គន្លង ទទឹង២៣ម៉ែត្រ ជាប្រភេទផ្លូវបេតុងកៅស៊ូ (AC) និងមានសួនច្បារចំកណ្តាល។
បច្ចុប្បន្នការអនុវត្តការងារស្ថាបនាបាននឹងកំពុងធ្វើការក្រាលកៅស៊ូជាន់ទី២ នៅលើទីតាំងមួយចំនួន បើកឱ្យប្រជាពលរដ្ឋធ្វើដំណើរជាបណ្តោះអាសន្ន ដើម្បីសម្រួលដល់ចរាចរណ៍ឆ្លងកាត់ ងាយស្រួលបើកបរ ចំណេញពេលវេលា ពិសេសផ្តល់ភាពងាយស្រួលក្នុងការប្រកបរបររកស៊ីប្រចាំថ្ងៃ ការដឹកជញ្ជូនទំនិញ និងផលិតផលកសិកម្ម។
គួរបញ្ជាក់ថា គម្រោងធ្វើឱ្យប្រសើរឡើងកំណាត់ផ្លូវជាតិលេខ ៥ ភាគខាងជើង (បាត់ដំបង-សិរីសោភ័ណ) ត្រូវបានសម្ភោធបើកការដ្ឋានសាងសង់កាលពីថ្ងៃទី២៦ មីនា ២០១៨ ការស្ថាបនាមានរយៈពេល៣៦ខែ គិតត្រឹមថ្ងៃទី២៤ ខែមេសា ឆ្នាំ២០២០។
![](https://cdn.cc-times.com/kh.cc-times.com/media/1698/large/%E1%9F%A3.jpg?1588130089)
![](https://cdn.cc-times.com/kh.cc-times.com/media/1699/large/%E1%9F%A4.jpg?1588130115)
![](https://cdn.cc-times.com/kh.cc-times.com/media/1700/large/%E1%9F%A5.jpg?1588130125)
![](https://cdn.cc-times.com/kh.cc-times.com/media/1704/large/%E1%9F%A6.jpg?1588130211)
![](https://cdn.cc-times.com/kh.cc-times.com/media/1705/large/%E1%9F%A7.jpg?1588130222)
![](https://cdn.cc-times.com/kh.cc-times.com/media/1706/large/%E1%9F%A8.jpg?1588130231)
![](https://cdn.cc-times.com/kh.cc-times.com/media/1707/large/%E1%9F%A9.jpg?1588130240)
![](https://cdn.cc-times.com/kh.cc-times.com/media/1708/large/%E1%9F%A1%E1%9F%A0.jpg?1588130251)
![](https://cdn.cc-times.com/kh.cc-times.com/media/1709/large/%E1%9F%A1%E1%9F%A1.jpg?1588130786)
![](https://cdn.cc-times.com/kh.cc-times.com/media/1710/large/%E1%9F%A1%E1%9F%A2.jpg?1588130798)