Yearendyearend1140x150
Img 0571

កូរ៉េខាងត្បូងត្រៀមធ្វើតេស្តសាកល្បងរ៉ុកកែតអវកាសដែលផលិតនៅក្នុងស្រុកលើកទី១

អន្តរជាតិ
/
អ្នកយកព័ត៌មាន:
លី ម៉ាលីង
/
កូរ៉េខាងត្បូងត្រៀមធ្វើតេស្តសាកល្បងរ៉ុកកែតអវកាសដែលផលិតនៅក្នុងស្រុកលើកទី១​ ប្រភពរូប៖ AP

សេអ៊ូល៖ ប្រទេសកូរ៉េខាងត្បូងកំពុងត្រៀមខ្លួនសាកល្បងបាញ់បង្ហោះរ៉ុកកែតអវកាស ដែលផលិតនៅក្នុងស្រុកលើកដំបូងរបស់ខ្លួននៅថ្ងៃព្រហស្បតិ៍នេះ ដែលមន្ត្រីពិពណ៌នាថា វាជាជំហានដ៏សំខាន់ក្នុងការស្វែងរកកម្មវិធីបាញ់បង្ហោះផ្កាយរណប។

ប្រសិនបើអាកាសធាតុនិងលក្ខខណ្ឌផ្សេងទៀតមានភាពជោគជ័យ រ៉ុកកែតនូរី(Nuri) បីដំណាក់កាលត្រូវបានគេគ្រោងនឹងបាញ់នៅម៉ោងប្រហែល ៤ រសៀល ដោយមានគោលបំណងបញ្ជូនរ៉ុកកែតចូលទៅក្នុងគន្លងពី ៦០០ ទៅ ៨០០ គីឡូម៉ែត្រពីលើផែនដី។

ក្រសួងវិទ្យាសាស្ត្ររបស់ប្រទេសកូរ៉េខាងត្បូងបាននិយាយថា ក្រុមវិស្វករបានបញ្ចប់ការដំឡើងរ៉ុកកែតប្រវែង ៤៧ ម៉ែត្រ នៅយប់ថ្ងៃពុធនៅលើបន្ទះបាញ់បង្ហោះនៅមជ្ឈមណ្ឌលអវកាសណារ៉ូ ដែលជាច្រកអវកាសតែមួយរបស់ប្រទេសនេះ នៅលើកោះតូចមួយនៅឆ្នេរសមុទ្រភាគខាងត្បូងរបស់ខ្លួន។

បន្ទាប់ពីពឹងផ្អែកលើប្រទេសផ្សេងទៀតក្នុងការបាញ់បង្ហោះផ្កាយរណបរបស់ខ្លួនតាំងពីដើមទស្សវត្សរ៍ឆ្នាំ ១៩៩០ មកពេលនេះ ប្រទេសកូរ៉េខាងត្បូងកំពុងព្យាយាមក្លាយជាប្រទេសទី ១០ ដែលបានបញ្ជូនផ្កាយរណបទៅកាន់ទីអវកាសដោយប្រើបច្ចេកវិទ្យាផ្ទាល់ខ្លួន។

រ៉ុកកែតនូរី គឺជាយានបាញ់បង្ហោះអវកាសដំបូងគេបង្អស់របស់ប្រទេស ដែលផលិតឡើងដោយបច្ចេកវិទ្យាក្នុងស្រុក។ រ៉ុក្កែតបីដំណាក់កាលត្រូវបានបំពាក់ដោយម៉ាស៊ីនរ៉ុក្កែតប្រភេទ ៧៥ តោនចំនួន ៥ ដែលដាក់នៅដំណាក់កាលទី ១ និងទី ២ ត្រូវបានរចនាឡើង ដើម្បីដាក់ទម្ងន់ ១.៥ តោនទៅក្នុងគន្លងពី ៦០០ ទៅ ៨០០ គីឡូម៉ែត្រពីលើផែនដី។

អ្នកវិទ្យាសាស្ត្រនិងវិស្វករនៅវិទ្យាស្ថានអវកាសកូរ៉េគ្រោងធ្វើតេស្តលើនូរីបន្ថែមទៀតរួមទាំងធ្វើការបាញ់បង្ហោះមួយទៀតជាមួយឧបករណ៍មួយទៀត នៅខែឧសភាឆ្នាំ ២០២២ មុននឹងសាកល្បងជាមួយផ្កាយរណបពិតប្រាកដ។

កូរ៉េខាងត្បូងធ្លាប់បានបាញ់បង្ហោះយានបាញ់បង្ហោះអវកាសពីកំពង់ផែណារ៉ូកាលពីឆ្នាំ ២០១៣ ដែលជារ៉ុកកែតពីរដំណាក់កាលដែលផលិតឡើងជាចម្បងដោយបច្ចេកវិទ្យារុស្ស៊ី។ ការបាញ់បង្ហោះនេះ បានកើតឡើងបន្ទាប់ពីមានការពន្យារពេលជាច្រើនឆ្នាំនិងបរាជ័យជាបន្តបន្ទាប់រ៉ុក្កែតឈ្មោះណារ៉ូ បានឈានដល់កម្ពស់ដែលចង់បានក្នុងកំឡុងពេលធ្វើតេស្តលើកដំបូងរបស់ខ្លួនក្នុងឆ្នាំ ២០០៩ ប៉ុន្តែបរាជ័យក្នុងការបញ្ចូនផ្កាយរណបចូលក្នុងគន្លងគោចរហើយបន្ទាប់មកបានផ្ទុះភ្លាមៗបន្ទាប់ពីបានហោះឡើងក្នុងកំឡុងពេលធ្វើតេស្តលើកទី ២ ក្នុងឆ្នាំ ២០១០ ។

ខណៈកំពុងជំរុញការពង្រីកកម្មវិធីនុយក្លេអ៊ែរនិងមីស៊ីលរបស់ខ្លួនកូរ៉េខាងជើងបានបង្ហាញពីភាពរសើបចំពោះការបង្កើនការចំណាយលើវិស័យការពារជាតិរបស់កូរ៉េខាងត្បូងនិងកិច្ចខិតខំប្រឹងប្រែងដើម្បីបង្កើតមីស៊ីលបំពាក់អាវុធតាមបែបប្រពៃណីដែលមានអនុភាព៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង