ភ្នំពេញ៖អ្នកឧកញ៉ា ឡេង ណាវ៉ាត្រា អគ្គនាយកក្រុមហ៊ុន បុរី ឡេង ណាវ៉ាត្រា គ្រុប បានប្រាប់អ្នកគ្រប់គ្រងការផលិតរបស់ Galaxy Navatra ឳ្យលុប Are you ok? Trailer ចេញជាបន្ទាន់។ការស្នើសុំនេះ ធ្វើឡើងទៅតាមការស្នើសុំរបស់ អ្នកគាំទ្រ។
យោងតាមទំព័រហ្វេសប៊ុកផ្លូវការ អ្នកឧកញ៉ា ឡេង ណាវ៉ាត្រា បានសរសេរថា "សូមអ្នកគ្រប់គ្រងការផលិត របស់ផលិតកម្ម Galaxy Navatra លុប Video trailer បទ are you ok ចេញពី Facebook page នឹង Account TikTok របស់ផលិតកម្ម Galaxy Navatra ចេញជាបន្ទាន់ ទៅតាមការស្នើសុំរបស់ អ្នកគាំទ្រ ហើយត្រូវពិនិត្យមើលចំណុចខ្វះខាតកែលម្អឡើងវិញ។"
គួរបញ្ជាក់ថា បន្ទាប់ពីបង្ហោះ វីដេអូ trailers នូវបទ“are you ok?” លើបណ្ដាញសង្គមTik Tok ភ្លាម បទចម្រៀងមួយនេះ ទទួលបានការគាំទ្រលើសលុប ដោយគ្រាន់តែបង្ហោះមិនទាន់ បានប៉ុន្មានម៉ោងផង មានអ្នកចូលទស្សនា ជិត២០លានដងទៅហើយលើ channel Tik Tok របស់ផលិតកម្មGalaxy Navatra នេះមិនទាន់រាប់ចូលអ្នកលេងTik Tok ផ្សេងទៀតcopyយកទៅផុសតផង។ជាមួយគ្នានេះ ក៏បានមតិរិះគន់ពីបទចម្រៀងនេះផងដែរ៕
