ព្រះសីហនុ៖ ភ្ញៀវទេសចរចូលមកខេត្តព្រះសីហនុក្នុងថ្ងៃទី០៥ ខែតុលា ឆ្នាំ២០២១ នាឱកាសបុណ្យភ្ជុំបិណ្ឌ មានចំនួនសរុប ១៨.១៩៧នាក់ កើនឡើង១១,៥១%។នេះបើយោងតាមរបាយការណ៍របស់ លោក តាំង សុចិត្តគ្រឹស្នា ប្រធានមន្ទីរទេសចរណ៍ខេត្តព្រះសីហនុ។
បើតាមរបាយការណ៍ បានអោយដឹងថា ភ្ញៀវទេសចរចូលមកខេត្តព្រះសីហនុក្នុងថ្ងៃទី០៥ ខែតុលា ឆ្នាំ២០២១ នាឱកាសបុណ្យភ្ជុំបិណ្ឌ ភ្ញៀវទេសចរផ្ទៃក្នុងសរុប១៨.១៩៧នាក់ កើនឡើង១១,៥១% ក្នុងនោះ ភ្ញៀវជាតិ១៧.៣៧០នាក់ កើនឡើង១០,៨៨% ភ្ញៀវបរទេស សរុប៨២៧នាក់ កើនឡើង២៦,៦៤%។
របាយការណ៍ដដែលបានអះអាងថា ភ្ញៀវតាមបណ្តាឆ្នេរ និងរមណីយដ្ឋាននានាសរុប១៧.៥៦២នាក់ កើនឡើង៨៤,២៤% ក្នុងនោះ ភ្ញៀវជាតិ ១៧.០០២នាក់ កើនឡើង៨១,៩៩% ភ្ញៀវបរទេស ៥៦០នាក់ កើនឡើង១៩៤,៧៣% និង ពុំមានភ្ញៀវចូលតាមព្រលានយន្តតហោះអន្តរជាតិខេត្តព្រះសីហនុទេ។
ចំណែក ភ្ញៀវទេសចរទៅកម្សាន្តតាមបណ្តាកោះនានា មានភ្ញៀវសរុប៦៣០នាក់ ថយចុះ៣៨,៧៧% ក្នុងនោះ ភ្ញៀវជាតិ៣៦៣នាក់ ថយចុះ៥៥,៩៤% ភ្ញៀវបរទេស២៦៧នាក់ កើនឡើង៣០,២៤% ៕
.jpg?1633441962)
