រោងចក្រមួយបោះទុនជាង៣លានដុល្លារ«ផលិតតង់និងសម្ភារៈបោះជំរុំ» បង្កើតការងារ៧២៨កន្លែង

ភ្នំពេញ៖ តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុន KAMPKEEPER (CAMBODIA) CO., LTD: គម្រោងបង្កើតរោងចក្រផលិតតង់ និងសម្ភារៈបោះជំរុំ មានទុនវិនិយោគប្រមាណ ៣,១លានដុល្លារអាមេរិក និងអាចបង្កើតការងារបានចំនួន ៧២៨កន្លែង។

ក្រុមហ៊ុន KAMPKEEPER (CAMBODIA) CO., LTD: គម្រោងបង្កើតរោងចក្រផលិតតង់ និងសម្ភារៈបោះជំរុំគ្រប់ប្រភេទ (កាបូប តុ កៅអី គ្រែ ស៊ុមគ្រែ ទូក្រណាត់ ធ្នើរ ទោង និងសម្ភារៈផ្សេងទៀត) ដែលមានទីតាំងវិនិយោគស្ថិតនៅភូមិស្រែជំរៅ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ៕