Yearendyearend1140x150

កម្ពុជាមានគម្រោងបើកទទួល«អ្នកទេសចរ»ចាក់វ៉ាក់សាំងកូវីដ-១៩រួច

សេដ្ឋកិច្ច
/
អ្នកយកព័ត៌មាន:
ស៊ីស៊ីថាមស៍
/
តាមសម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា

ភ្នំពេញ៖ រាជរដ្ឋាភិបាលកម្ពុជា មានគម្រោងបើកទទួលភ្ញៀវទេសចរឡើងវិញនាពេលខាងមុខនេះ។ប៉ុន្តែការបើកនេះសម្រាប់តែអ្នកទេសចរដែលចាក់វ៉ាក់សាំងកូវីដ១៩រួចប៉ុណ្ណោះ។នេះបើយោងតាមសម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ថ្លែងក្នុងពិធីអញ្ជើញធ្វើសន្និសីទសារព័ត៌មាន បើកយុទ្ធនាការ ចាក់ថ្នាំបង្ការជម្ងឺកូវីដ-១៩ សម្រាប់កុមារចាប់ពីអាយុ៦ឆ្នាំ ដល់ អាយុក្រោម១២ឆ្នាំ ដែលប្រព្រឹត្តទៅ នៅវិមានសន្តិភាព រាជធានីភ្នំពេញ។

សម្តេច ហ៊ុន សែន បានគូសបញ្ជាក់ថា វិស័យ​ទេសចរណ៍​​ដែល​ជា​សសរ​ស្ដម្ភ​ដ៏​សំខាន់​មួយ​សម្រាប់​ទ្រទ្រង់​​សេដ្ឋកិច្ច​កម្ពុជា ហើយប្រទេសមួយចំនួនបានពឹកផ្អែកលើកវិស័យនេះ។ដើម្បីស្ដារ​វិស័យ​នេះ​ឡើង​វិញ កម្ពុជា​កំពុង​តែ​សិក្សា​ពី​ក្រប​ខណ្ឌ​នៃ​ការ​​បើក​ទ្វារ​ទទួល​ភ្ញៀវ​ទេសចរ​អន្ដរជាតិ​ដែល​ចាក់​វ៉ាក់សាំង​កូវីដ​១៩ ឲ្យ​ចូល​មក​កាន់​កម្ពុជា​ឡើង​វិញ​។

បើតាមសម្តេច ហ៊ុន សែន បច្ចុប្បន្ននេះរាជរដ្ឋាភិបាលកំពុងគិតគូរបើកដំណើរការឡើងវិញនូវអាជីវកម្មមួយចំនួនទាំងផ្នែកសេវាកម្ម ក្នុងផ្នែកទេសចរណ៍ផងដែរ។ការរៀបចំនេះធ្វើឡើងដើម្បីត្រៀមបើកទទួលអ្នកទេសចរដែលចាក់វ៉ាក់សាំងកូវីដ-១៩រួច ហើយទេសចរដែលចូលមកកម្ពុជាអាចនឹងតម្រូវឱ្យធ្វើចត្តាឡីស័ករយៈពេល៧ថ្ងៃ ហើយភ្ញៀវទេសចរនោះអាចមានសិទ្ធិដើរកំសាន្តក្នុងទីក្រុងដែលខ្លួនបានចុះចតផងដែរ។

គួរបញ្ជាក់ថា កាលពីឆ្នាំ​២០២០ កម្ពុជា​ទទួល​បាន​ភ្ញៀវ​ទេសចរ​អន្តរជាតិ​ប្រមាណ​តែ​១​លាន​៣សែន​នាក់ប៉ុណ្ណោះ​។ ចំនួន​នេះ ថយ​ចុះ​ប្រមាណ ៨០% បើ​ធៀប​នឹង​ឆ្នាំ​២០១៩​កន្លង​ទៅ។ការ​ធ្លាក់​ចុះ​នៃ​ចំនួន​ភ្ញៀវ​ទេសចរ​អន្តរជាតិ​កាលពី​ឆ្នាំមុន​នេះ បាន​ធ្វើ​ឱ្យ​ឧស្សាហកម្ម​ទេសចរណ៍​កម្ពុជា បាត់បង់​ចំណូល​ជាង​៣​ពាន់​លាន​ដុល្លារ​អាមេរិក​។

នៅ​ក្នុង​ឆ្នាំ​២០២១​នេះ ស្ថានការណ៍​នៃ​វិស័យ​ទេសចរណ៍​នៅ​តែ​មិន​ទាន់​ល្អប្រសើរ រយៈពេល៧ខែក្នុងឆ្នាំ២០២១ កម្ពុជាទទួលបាទេសចរណ៍ផ្ទៃក្នុងសរុបចំនួន ២.៣០០.៨៥១ នាក់ ដែលក្នុងនោះភ្ញៀវជាតិមានចំនួនប្រមាណជា ២.១៤៦៩៥៩ នាក់ ថយចុះ ៣៨%ធៀបនឹងរយៈពេលដូចគ្នាឆ្នាំ២០២០ ខណៈទេសចរបរទេសផ្ទៃក្នុងមានចំនួនសរុបប្រមាណជា ១៥៣៩៩២ នាក់ថយចុះ៩០% ធៀបនឹងរយៈពេលដូចគ្នាឆ្នាំ២០២០។ភ្ញៀវ​ទេសចរ​បរទេស​ដែល​មក​កម្សាន្ត​នៅ​កម្ពុជា​ច្រើន​ជាង​គេ គឺ​ទេសចរ​ជនជាតិ​ថៃ តាម​ពី​ក្រោយ​ដោយ​ភ្ញៀវ​ទេសចរ​ជនជាតិ​ចិន និង​ជនជាតិ​វៀតណាម ឥណ្ឌូនេស៊ី កូរ៉េ​ខាង​ត្បូង តៃវ៉ាន់ អាមេរិក បារាំង និង​ជប៉ុន​ជា​ដើម​៕

   

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង