Cct850x100 1

ខេត្តបន្ទាយមានជ័យឃាត់ខ្លួនបុរស២នាក់ ក្រោយ«​ប្រទូស​កេរខ្មាស់»ក្នុងមណ្ឌលចត្តាឡីស័ក

សង្គម
/
អ្នកយកព័ត៌មាន:
ស៊ីស៊ីថាមស៍
/

បន្ទាយមានជ័យ៖ បុរសចំនួន២នាក់ត្រូវបានអធិការស្រុកអូជ្រៅ ខេត្តបន្ទាយមានជ័យ ចាប់ឃាត់ខ្លួនក្រោយពីជនសង្ស័យទាំង២​នាក់នេះ ​ប្រទូស​កេរខ្មាស់​ នៅក្នុង​មណ្ឌល​ចត្តាឡីស័ក​វិទ្យាល័យ​កូប​ ស្រុកអូរជ្រៅ។នេះបើយោងតាម ឯកឧត្តម  អ៊ុំ រាត្រី ​អភិបាលខេត្ត​បន្ទាយមានជ័យ ថ្លែងប្រាប់ស៊ីស៊ីថាមស៍។

ជនសង្ស័យទី១មានឈ្មោះ សុខ វង្ស អាយុ ៣៦ឆ្នាំ មានទីលំនៅភូមិ ស្រុកកណ្តៀង ខេត្តពោធិសាត់ និងម្នាក់ទៀតឈ្មោះ ណាយ ភី អាយុ២៦ឆ្នាំ នៅស្រុកម៉ាឡៃ ខេត្តបន្ទាយមានជ័យ។ជនសង្ស័យទាំង២នាក់ ត្រូវបានអធិការស្រុកអូជ្រៅ ខេត្តបន្ទាយមានជ័យ ឃាត់ខ្លួនដោយចោទពីបទ ​ប្រទូស​កេរខ្មាស់​ នៅក្នុង​មណ្ឌល​ចត្តាឡីស័ក​វិទ្យាល័យ​កូប។

ឯកឧត្តម អ៊ុំ រាត្រី ​អភិបាលខេត្ត​បន្ទាយមានជ័យ បានថ្លែងថា ករណីទាំង២ខាងលើនេះមិនមែនជា ការចាប់រំលោភ​សេពសន្ថវៈ​ ហើយឯកឧត្តម បានស្នើដល់មន្ត្រីអង្កការសង្គមស៊ីវិលគួរតែពិនិត្យឱ្យបានលម្អិតមុនសម្តែងការសោកស្តាយ។ចំពោះជនទាំង២នាក់ អាជ្ញាធរខេត្តបន្ទាយមានជ័យកំពុងបន្តនីតិវិធីតាមផ្លូវច្បាប់។

គួរបញ្ជាក់ថា កាលពី​រំលង​អាធ្រាត​ឈានចូល​ថ្ងៃទី ១៣កញ្ញា មានការភ្ញាក់ផ្អើល​មួយបានកើតឡើង ​ ដោយអះអាងថា ករណី​រំលោភ​សេពសន្ថវៈ​ទៅលើ​ស្ត្រីអ្នកធ្វើ​ចត្តាឡីស័ក​ នៅក្នុង​មណ្ឌល​ចត្តាឡីស័ក​វិទ្យាល័យ​កូប​ ស្រុកអូរជ្រៅ ​ខេត្តបន្ទាយមានជ័យ​។​សង្គមស៊ីវិលសោកស្តាយករណីនេះ និងស្នើឱ្យមានការសន្តិសុខ​តឹងរឹង​​មណ្ឌល​ចត្តាឡីស័ក​៕


Khcct banner

អត្ថបទទាក់ទង