ព្រះមហាក្សត្រ៖ “សម្ដេចហ៊ុន សែនជាមគ្គុទេសក៍ដឹកនាំកម្ពុជាដ៏ឆ្លាតវៃ”

ភ្នំពេញ៖ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា បានកោតសសើរចំពោះសម្ដេច ហ៊ុន សែន នាយករដ្ឋមន្រ្តីនៃប្រទេសកម្ពុជា ជាមគ្គុទេសក៍ដឹកនាំប្រទេសប្រកបដោយភាពឈ្លាសវៃ ប្រកាន់ភ្ជាប់នូវគោលនយោបាយជាតិដ៏ត្រឹមត្រូវធានាបានេករាជ្យ និង អធិបតេយ្យភាពជាតិ។នេះបើយោងតាមព្រះរាជរសាររបស់ព្រះអង្គអបអរសាទរពិធីបើកវេសនកាលរដ្ឋសភា ក្នុងសម័យប្រជុំរដ្ឋសភាលើកទី៤ នីតិកាលទី៦ នៅថ្ងៃទី ២ មេសា ឆ្នាំ។

ព្រះអង្គមានព្រះរាជបន្ទូលថា គោលជំហរបស់សម្តេច ហ៊ុន សែន គឺជាអ្វីដែលប្រជាពលរដ្ឋកម្ពុជាទាំងមូលប្រាថ្នាចង់បាន ដើម្បីរស់នៅប្រកបដោយភាពស្មើមុខស្មើមាត់ សុខដុមរនា ស្ថិរភាព និងសន្តិភាពយូរអង្វែង។សម្រាបព្រះកូណា សកម្មភាពមនុស្សធម៌ដ៏ធំធេង និង មិនរើសអើងពូជសាសន៍របស់ សម្តេច ហ៊ុន សែន គឺជាកាវិការដ៏ល្អប្រពៃសម្រាប់ការគោរពពីជនរួមជាតិ និងពិភពលោកទាំងមូល។