កម្ពុជាចាក់វ៉ាក់សាំងជូនប្រជាជនទូទាំងប្រទេសបានជាង២លាន១សែននាក់ គិតត្រឹមថ្ងៃទី១៩ ឧសភា

ភ្នំពេញ៖ ចំនួនអ្នកចាក់វ៉ាក់សាំងទូទាំងប្រទេសកម្ពុជាមាន ២,១៦៨,២៣៩ នាក់ គិតត្រឹមថ្ងៃទី១៩ ខែឧសភា ឆ្នាំ២០២១។ ក្នុងនោះអ្នកចាក់វ៉ាក់សាំង Sinopharm សរុបមានចំនួន ៩០៨ ៧៥៦ នាក់, វ៉ាក់សាំង Covishield សរុបមានចំនួន ១៥៧ ១៧៥ នាក់ និងវ៉ាក់សាំងSinovac សរុបមានចំនួន ១, ១០២, ៣០៨ នាក់។ នេះបើតាមរបាយការណ៍របស់អនុគណៈកម្មាការតាមដាននិងវាយតម្លៃ នៃគណៈកម្មការចំពោះកិច្ចចាក់វ៉ាក់សាំងកូវីដ-១៩ក្នុងក្របខណ្ឌទូទាំងប្រទេស (គ.វ.ក-១៩)។

យោងរបាយការណ៍អ្នកដែលបានចាក់វ៉ាកសាំងបង្ការជំងឺកូវីដ-១៩ទូទាំងប្រទេស (រួមទាំងក្រសួងការពារជាតិ) គិតត្រឹមថ្ងៃទី១៩ ខែឧសភា ឆ្នាំ២០២១ ចំនួនអ្នកបានចាក់វ៉ាក់សាំងលើកទី១សរុបមាន ២,១៦៨,២៣៩នាក់ ក្នុងនោះមានស្រ្តីចំនួន ១ ០០៦ ២៥០នាក់។ ចំណែកអ្នកបានចាក់វ៉ាក់សាំងលើកទី២សរុបមាន ១, ៣៣៥, ៦៤៥ នាក់ ក្នុងនោះមានស្រ្តីចំនួន ៥៦២ ០០៦ នាក់។

សូមបញ្ជាក់ថា គិតចាប់ពីថ្ងៃទី១០ ខែកុម្ភៈ ឆ្នាំ២០២១ ដល់ថ្ងៃទី១៩ ខែឧសភា ឆ្នាំ២០២១ លទ្ធផលចាក់វ៉ាក់សាំងមាន ២១,៦៨% ធៀបនឹងគោលដៅ ១០លាននាក់ ដែលជាគម្រោងរបស់រាជរដ្ឋាភិបាលបានដាក់ចេញ៕