ភ្នំពេញ៖ ចំនួនអ្នកចាក់វ៉ាក់សាំងទូទាំងប្រទេសកម្ពុជាមាន ២,០៨២,២៨២ នាក់ គិតត្រឹមថ្ងៃទី១៦ ខែឧសភា ឆ្នាំ២០២១។ ក្នុងនោះអ្នកចាក់វ៉ាក់សាំង Sinopharm សរុបមានចំនួន ៨៩៧ ០៨៥ នាក់, វ៉ាក់សាំង Covishield សរុបមានចំនួន ១៥៧ ០៣៣ នាក់ និងវ៉ាក់សាំង Sinovac សរុបមានចំនួន ១, ០២៨, ១៦៤ នាក់។ នេះបើតាមរបាយការណ៍របស់អនុគណៈកម្មាការតាមដាននិងវាយតម្លៃ នៃគណៈកម្មការចំពោះកិច្ចចាក់វ៉ាក់សាំងកូវីដ-១៩ក្នុងក្របខណ្ឌទូទាំងប្រទេស (គ.វ.ក-១៩)។
យោងតាមរបាយការណ៍អ្នកដែលបានចាក់វ៉ាកសាំងបង្ការជំងឺកូវីដ-១៩ទូទាំងប្រទេស (រួមទាំងក្រសួងការពារជាតិ) គិតត្រឹមថ្ងៃទី១៦ ខែឧសភា ឆ្នាំ២០២១ ចំនួនអ្នកបានចាក់វ៉ាក់សាំងលើកទី១សរុបមាន ២,០៨២,២៨២នាក់ ក្នុងនោះមានស្រ្តីចំនួន ៩៦៣ ២២៥។ ចំណែកអ្នកបានចាក់វ៉ាក់សាំងលើកទី២សរុបមាន ១, ១៨៥, ២៣៤នាក់ ក្នុងនោះមានស្រ្តីចំនួន ៤៨៧ ៦២៣។
សូមបញ្ជាក់ថា គិតចាប់ពីថ្ងៃទី១០ ខែកុម្ភៈ ឆ្នាំ២០២១ ដល់ថ្ងៃទី១៦ ខែឧសភា ឆ្នាំ២០២១ លទ្ធផលចាក់វ៉ាក់សាំងមាន ២០,៨២% ធៀបនឹងគោលដៅ ១០លាននាក់ ដែលជាផែនការរបស់រាជរដ្ឋាភិបាលកម្ពុជា៕
