ភ្នំពេញ៖ កំពង់ផែស្វយ័តភ្នំពេញនៅថ្ងៃ១៩ មីនា បានអោយដឹងថា កំពង់ផែ នឹងមិនមានការបិទនៅការដឹកទំនិញ និងអាជីវកម្មផ្សេងៗឡើយ។ ប៉ុន្តកំពង់ផែសូមអោយមានការសហការ និងធ្វើតាមសេចក្តីណែនាំ ពីអតិថិជនដើម្បីចូលរួមទបស្កាត់នូវកូវីដ១៩។
កំពង់ផែស្វយ័តភ្នំពេញ ក៏បានចេញសេចក្តីប្រកាសជូនដល់អតិថិជន និងអាជីវកម្មទាំងអស់ ថាកំពង់និងមិនមានការផ្អាក ឬបិទសកម្មភាពជាជីវកម្ម ប្រតិបត្តិការឡើយ គឺកំពង់ផែស្វយ័តនៅតែបន្តដំណើរការ ២៤ ក្នុង៧ ថ្ងៃ តាមប្រក្រតី។
បើតាមកំពង់ផែ បានអំពាវនាវដល់អាជីវកម្ម និងអតិថិជនទាំងអស់ ចូលរួមសហការអនុវត្តន៍ តាមសេចក្តីណែនាំរបស់ចត្តាឡីស័ក ដើម្បីរួមគ្នាទប់ស្កាត់ការរីករាលដាលនៃជំងឺកូវីដ១៩ ជាសកល អតិថិជនទាំងអស់ជ្រាបជាព័ត៌មាន និងសហការតាមការគួរ៕
