ភ្នំពេញ៖ អាជីវករ២នាក់ នៅផ្សារអូរឬស្សី រាជធានីភ្នំពេញ ត្រូវបានរកឃើញថា មាន«វិជ្ជមានកូវីដ-១៩»។ អាជីវករទាំង២នាក់ នេះ គឺម្នាក់ជាអ្នកលក់ខោអាវ និង ម្នាក់ទៀតជាអ្នកលក់គ្រឿងទេស ដោយអ្នកទាំង២ បានរកឃើញ «វិជ្ជមានកូវីដ១៩» កាលពីយប់ថ្ងៃទី២៩ និងយប់ថ្ងៃទី៣០ ខែមីនា ឆ្នាំ២០២១។នេះបើតាមប្រធានផ្សារអូរឫស្សី បានប្រាប់សារព័ត៌មានស៊ីស៊ីថាមស៍។
ក្រោយពីទទួលបានលទ្ធផលវិជ្ជមានពីក្រសួងសុខាភិបាល ប្រធានផ្សារអូរឫស្សី បានសម្រេចបិទតូបលក់ដូរដែលពាក់ព័ន្ធជាមួយអាជីវករជាបណ្តោះអាសន្ន ដើម្បីទប់ស្កាត់ការឆ្លងរីករាលដាលបន្ថែមទៀត ។ចំណែកផ្សារទាំងមូលមិនទាន់ អាជ្ញាធរកំពុងរឹតបន្តឹងបន្ថែមទៀត។
គួរកត់សម្គាល់ថា ក្រោយពីទទួលបានព័ត៌មានវិជ្ជមានកូវីដនៅក្នុងផ្សារ អាជីវករក្នុងផ្សារ បានសម្រេចបិទតូបជាបន្តបន្ទាប់ដោយសារតែភាពភ័យខ្លាច៕
