Khmer suport khmer cc time

YSEALILearns ផ្តល់«កម្មវិធីសិក្សាអនឡាញ» ដោយឥតគិតថ្លៃ ដើម្បីអភិវឌ្ឍជំនាញ និងទទួលបានវិញ្ញាបនបត្រ

យុវជន
/
អ្នកយកព័ត៌មាន:
សែម សុវណ្ណរត្ន
/

ភ្នំពេញ៖ កម្មវិធី YSEALI បានបង្កើតកម្មវិធីសិក្សារយៈពេលខ្លី តាមប្រព័ន្ធអនឡាញ YSEALILearns ដើម្បីឱ្យសាធារណជនអាចអភិវឌ្ឍខ្លួន តាមរយៈការសិក្សាវីដេអូបណ្តុះបណ្តាលសំខាន់ៗ ដែល មេរៀនទាំងអស់ត្រូវបានរៀបចំដោយសាស្ត្រាចារ្យ និងអ្នកជំនាញនៅសហរដ្ឋអាម៉េរិក ហើយអ្នកសិក្សាអាចចូលរៀនពេលដែលទំនេរ និងទទួលបានវិញ្ញាបនបត្រអេឡិចត្រូនិកបន្ទាប់ពីបញ្ចប់ការសិក្សា។

យោងតាមគេហទំព័រផ្លូវការរបស់ YSEALI អ្នកចូលរួមអាចសិក្សាលើជំនាញសំខាន់ៗដូចជា មូលដ្ឋានគ្រឹះនៃការចាប់ផ្តើម និងការដំណើរការអាជីវកម្ម, មូលដ្ឋានគ្រឹះនៃការពង្រីកអាជីវកម្ម, ភាពជាអ្នកដឹកនាំយុវជន, យុទ្ធសាស្ត្រក្នុងការអភិវឌ្ឍខ្លួន, យុទ្ធសាស្ត្រនៃការរៃអង្គាសថវិកា (Fundraising Concepts), និងមូលដ្ឋាននៃការសរសេរព័ត៌មាន។

ជាមួយគ្នា ដើម្បីទទួលបានវិញ្ញាបនបត្រអេឡិចត្រូនិក បេក្ខជនត្រូវអនុវត្តតាមជំហានដូចជា រៀនមេរៀនទាំងអស់ ដែលមានទាំងមើល ស្តាប់ និងការអាន។ បន្ទាប់មក ឆ្លើយសំណួរតេស្តឱ្យបានត្រឹមត្រូវ។ ជាចុងក្រោយ អ្នកចូលរួមនឹងទទួលបានវិញ្ញាបនបត្រតាមរយៈ Email។

គួរបញ្ជាក់ថា សាធារណជនដែលមានចំណាប់អារម្មណ៍ អាចចូលទៅកាន់ តំណភ្ជាប់ និងជ្រើសរើសវគ្គសិក្សាដែលខ្លួនពេញចិត្ត៕

Khcct banner

អត្ថបទទាក់ទង