ភ្នំពេញ៖រាជរដ្ឋាភិបាលកម្ពុជា តាមរយៈក្រសួងសេដ្ឋកិច្ច នៅថ្ងៃទី ៣ មេសា បានសម្រេចចាត់ជាបន្ទុករបស់រដ្ឋ ចំពោះអាករលើតម្លៃបន្ថែម (VAT) នៃការផ្គត់ផ្គង់ផលិតផលប្រេងម៉ាស៊ូត និង ឧស្ម័ន LPG ។ការសម្រេចនេះ ធ្វើឡើងដើម្បីជួយសម្រួលដល់ជីវភាពរស់នៅរបស់ប្រជាពលរដ្ឋ ខណៈការកើនឡើងថ្លៃនៃប្រេងម៉ាស៊ូត និង ឧស្ម័ន LPG នៅតែបន្ត។
យោងតាមសេចក្តីជូនដំណឹង រាជរដ្ឋាភិបាលកម្ពុជា បានបន្តចាក់វិធានការដើម្បីជួយដល់ប្រជាពលរដ្ឋដោយចាត់ជាបន្ទុករបស់រដ្ឋ ចំពោះអាករលើតម្លៃបន្ថែម (VAT) នៃការផ្គត់ផ្គង់ផលិតផលប្រេងម៉ាស៊ូត និង ឧស្ម័ន LPG។ក្រសួងសេដ្ឋកិច្ចបានណែនាំដល់សហគ្រាសនាំចូល និង ចែកចាយបន្តដែលធ្វើការផ្គត់ផ្គង់ ក្នុងស្រុកត្រូវអនុវត្តតាមការណែនាំនានារបស់ក្រសួង និង ចាប់ផ្តើមអនុវត្តចាប់ពីថ្ងៃទី ១ មេសា ២០២៦នេះ៕
