ភ្នំពេញ៖ ពិធីជួបជុំរវាងសម្តេច ហ៊ុន ម៉ាណែត នាយករដ្ឋមន្ត្រីកម្ពុជា ជាមួយ អ្នកសារព័ត៌មាន សម្រាប់ឆ្នាំ២០២៦ ត្រូវបានប្រកាសផ្អាក សម្រាប់ឆ្នាំ២០២៦នេះ។នេះបើយោងតាមសេចក្តីជូនដំណឹងរបស់អគ្គនាយកដ្ឋានព័ត៌មាន និងសោតទស្សន៍ នៃក្រសួងព័ត៌មាន។តែយ៉ាងណា ក្រសួងព័ត៌មាននឹងរៀបចំពិធីគោរព វិញ្ញាណក្ខន្ធអ្នកសារព័ត៌មាន នៅព្រឹកថ្ងៃទី៣ ខែឧសភា ឆ្នាំ២០២៦ នៅស្តូបខាងមុខស្ថានទូតបារាំង។
យោងតាមសេចក្តីជូនដំណឹង បានគូសបញ្ជាក់ ពិធីជួបជុំរវាងនាយករដ្ឋមន្ត្រីកម្ពុជា ជាមួយអ្នកសារព័ត៌មាន សម្រាប់ឆ្នាំ២០២៦ នៅថ្ងៃទី ៣ ឧសភា នឹងត្រូវប្រកាសផ្អាក។ជាមួយគ្នានោះ ដើម្បីរំលឹកដល់គុណូបការៈ និង វីរភាពរបស់អ្នកសារព័ត៌មានដែលបាន បាត់បង់ជីវិតក្នុងការបំពេញវិជ្ជាជីវៈសារព័ត៌មានអំឡុងពេលសង្គ្រាម ក្រសួងព័ត៌មាននឹងរៀបចំពិធីគោរព វិញ្ញាណក្ខន្ធអ្នកសារព័ត៌មាន នៅព្រឹកថ្ងៃទី៣ ខែឧសភា ឆ្នាំ២០២៦ នៅស្តូបខាងមុខស្ថានទូតបារាំង។
សូមបញ្ជាក់ថា ជំនួបរវាងនាយករដ្ឋមន្ត្រី បង្កើតឡើងដំបូងតាំងពី សម្ដេច ហ៊ុន សែន នៅកាន់ជានាយករដ្ឋមន្ត្រី ត្រូវបានធ្វើឡើងកាលពីថ្ងៃទី១៤ ខែមករា ឆ្នាំ២០១៧។ ជំនួបលើកទី២ ធ្វើឡើងនៅថ្ងៃទី២១ ខែមករាឆ្នាំ ២០១៨ និងជំនួបលើកទី៣ ធ្វើឡើងនៅថ្ងៃទី១១ ខែមករា ឆ្នាំ២០១៩។ការជួបជុំនេះ គឺដើម្បីផ្ដល់ឱកាសដល់អ្នកសារព័ត៌មាន អាចលើកឡើងពីបញ្ហា សំណូមពរ ឬកង្វល់ផ្សេងៗ ដើម្បីដាក់ជូននាយករដ្ឋមន្ត្រី ពិនិត្យ និងជួយដោះស្រាយ៕
