ភ្នំពេញ៖នគរបាលរាជធានីភ្នំពេញ នៅថ្ងៃទី ៩ មីនានេះ បានប្រកាសចាប់ផ្តើមរឹតបន្តឹងច្បាប់ចរាចរណ៍ផ្លូវគោក និង ត្រួតពិនិត្យជាតិស្រវឹងនាពេលយប់ឡើងវិញ។ការប្រកាសនេះ ស្របពេលដែលមានករណីគ្រោះថ្នាក់ចរាចរណ៍ជាបន្តបន្ទាប់ បង្កឡើងដោយការប្រើប្រាស់គ្រឿងស្រវឹង។នេះបើយោងតាមឧត្តមសេនីយ៍ទោ ហេង រតនា ស្នងការរងទទួលផែនការងារចរាចរណ៍នៃស្នងការដ្ឋាននគរបាលរាជធានីភ្នំពេញ។
លោកឧត្តមសេនីយ៍ទោ ហេង រតនា បានថ្លែងប្រាប់ ស៊ីស៊ីថាមស៍ នៅថ្ងៃទី ៩ មីនានេះថា ការត្រួតពិនិត្យការបើកបរមាន«ជាតិស្រវឹង»នេះ គឺអនុវត្តតាមគោលការណ៍ចាស់ដែលធ្លាប់បានអនុវត្តកន្លងមកក្នុងខណ្ឌទាំង១៤ ក្នុងរាជធានីភ្នំពេញ ហើយចាប់ផ្តើមនៅម៉ោង១១ និង ៣០នាទីយប់ឡើងទៅ។
.png?1779183293)
