កោះកុង៖កុមារីអាយុ៤ឆ្នាំម្នាក់ មានឈ្មោះ ឌី ដានីន អាយុ ៤ ឆ្នាំ រស់នៅភូមិកោះកាពិ ឃុំកោះកាពិ ស្រុកកោះកុង ខេត្តកោះកុង កាលពីថ្ងៃទី ៨ វិច្ឆិកា ត្រូវឆ្កែចំនួន ៧ ក្បាលព្រួតគ្នាខាំ ពេលធ្វើដំណើរត្រលប់ពីសាលារៀនវិញ។ស្ថានភាពរបស់នៅពេលនេះ មានសភាពបានប្រសើរបន្តិចហើយ និង កំពុងសម្រាកបន្តការតាមដាន និងថែទាំ ព្យាបាល យ៉ាងយកចិត្តទុកដាក់បំផុត នៅមន្ទីរពេទ្យបង្អែកខេត្តកោះកុង។
យោងតាមរដ្ឋបាលខេត្តកោះកុង កុមារីរងគ្រោះ មានឈ្មោះ ឌី ដានីន អាយុ ៤ ឆ្នាំ រស់នៅភូមិកោះកាពិ ឃុំកោះកាពិ ស្រុកកោះកុង ខេត្តកោះកុង ត្រូវបានឆ្កែចំនួន ៧ ក្បាលព្រួតគ្នាខាំ បង្ករឱ្យមានរបួសធ្ងន់ធ្ងរ ហើយត្រូវបានក្រុមគ្រូពេទ្យមន្ទីរពេទ្យខេត្តកោះកុង ទៅទទួលយកតាមរថយន្តសង្គ្រោះ មកសង្គ្រោះបន្ទាន់នៅក្នុងមន្ទីរពេទ្យ ។
បើតាមប្រភពដដែល កុមារីរូបនេះទទួលបានការថែទាំ ព្យាបាលយ៉ាងយកចិត្តទុកដាក់របស់ក្រុមគ្រូពេទ្យ ហើយស្ថានភាពរបស់គាត់នៅពេលនេះ មានសភាពបានប្រសើរបន្តិចហហើយ និង កំពុងសម្រាកបន្តការតាមដាន និងថែទាំ ព្យាបាល យ៉ាងយកចិត្តទុកដាក់បំផុត៕
.jpg?1778143461)
