ភ្នំពេញ៖ បើគ្មានអ្វីប្រែប្រួលនោះទេ នៅចុងឆ្នាំ២០២០នេះ រដ្ឋាភិបាលនៃសាធារណរដ្ឋកូរ៉េខាងត្បូង នឹងបើកទទួលយកពលករខ្មែរឡើងវិញ ហើយការសម្រេចបើកនេះគឺដោយសារកត្តាខ្វះកម្លាំងពលកម្ម។
យោងតាមប្រភពព័ត៌មានច្បាស់ការណ៍មួយផ្តល់ជូនដល់សារព័ត៌មានស៊ីស៊ីថាមស៍ បានឱ្យដឹងថា តាមគម្រោងនៅចុងឆ្នាំ២០២០នេះ រដ្ឋាភិបាលនៃសាធារណរដ្ឋកូរ៉េខាងត្បូង នឹងបើកអោយពលករ២ប្រទេសចូលប្រទេសកូរ៉េ គឺកម្ពុជា និង មីយ៉ានម៉ា ដោយសារកត្តាខ្វះកំលាំងពលកម្ម។
បើតាមប្រភពដដែល ប៉ុន្តែដោយសារមីយ៉ានម៉ា មានការឆ្លងកូរ៉ូណាផ្ទុះឡើងវិញ រដ្ឋាភិបាលនៃសាធារណរដ្ឋកូរ៉េខាងត្បូង បានសម្រេចទទួលពលករខ្មែរ ក្រោមហេតុផលថាដោយសារតែប្រទេសកម្ពុជា មិនមានការចំលងខ្ពស់ ហើយសុវត្ថិភាព។
តាមរយៈការបើកទទួលយកពលរដ្ឋខ្មែរឡើងវិញនេះ គេរំពឹងថា ចាប់ពីពេលនេះ ពលករកម្ពុជាថ្មីៗជាច្រើនទៀត នឹងចូលជាបន្តបន្ទាប់ទៅធ្វើការនៅប្រទេសកូរ៉េខាងត្បូង។
.jpg?1685612315)
