អភិបាលខេត្តកំពង់ចាម ក្រើនរម្លឹកដល់ពលរដ្ឋបង្កើនការប្រុងប្រយ័ត្ន ខណៈទឹកទន្លេមេគង្គបានបន្តហក់ឡើងជិតដល់កម្ពស់ប្រកាសអាសន្ន

កំពង់ចាម៖ លោក អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានក្រើនរម្លឹកដល់បងប្អូនរស់នៅតាមដងទន្លេ ស្ទឹង បឹង ព្រែក បង្កើនការប្រុងប្រយ័ត្ន មើលថែកូនចៅ ក្មេងតូចៗកុំអោយលេងទឹក និងទាក់ទងមកអាជ្ញាធរ ឫសមត្ថកិច្ចក្នុងករណីត្រូវការអន្តរាគមន៍ ខណៈកម្ពស់ទឹកនាពេលនេះធៀបទៅឆ្នាំ២០២៤ទឹកទន្លេ មានកម្ពស់ ១២,៨០ម៉ែត្រ ខណៈដែលចំណុចប្រកាសប្រុងប្រយ័ត្នមានកម្ពស់១៥,២០ម៉ែត្រ។

ទន្ទឹមនេះដែរបើយោងតាមលោក អ៊ុម វិបុល ប្រធានមន្ទីរធនធានទឹក និងឧតុនិយមខេត្តកំពង់ចាមបានបញ្ជាក់ថាចំពោះស្ថានភាព ទឹកទន្លេមេគង្គខេត្តកំពង់ចាម នៅថ្ងៃទី០៣ ខែកញ្ញា ឆ្នាំ២០២៥នេះទឹកទន្លេបានហក់ឡើងដល់កម្ពស់១៤.៤៨ម៉ែត្រ ធៀបថ្ងៃម្សិលមិញ ទឹកទន្លេឡើងកម្ពស់០,០៨ម៉ែត្រ។

ដោយឡែកកម្ពស់ទឹកនាពេលនេះធៀបទៅឆ្នាំ២០២៤ទឹកទន្លេ មានកម្ពស់ ១២,៨០ម៉ែត្រ ខណៈដែលចំណុចប្រកាសប្រុងប្រយ័ត្នមានកម្ពស់១៥,២០ម៉ែត្រ។

គួរបញ្ជាក់ថា ចំពោះស្ថានភាពអាកាសធាតុកាលពីម្សិលមិញគឺមានភ្លៀងធ្លាក់តិច ឫច្រើនក្នុងក្រុង/ស្រុកទាំង១០របស់ខេត្តកំពង់ចាម៕