ក្រុមហ៊ុន Huawei ចាប់អារម្មណ៍ក្នុងការគាំទ្រដំណើរបរិវត្តកម្មឌីជីថល និងការបណ្តុះបណ្តាលធនធានមនុស្ស ក្នុងវិស័យឌីជីថលនៅកម្ពុជា

ភ្នំពេញ៖ លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ (ក.ប.ទ.) បានអនុញ្ញាតជូនលោក HE Tao ប្រធានប្រចាំតំបន់អាស៊ីប៉ាស៊ីហ្វិកនៃក្រុមហ៊ុន Huawei ចូលជួបសម្ដែងការគួរសមនិងពិភាក្សាការងារ នៅទីស្តីការ ក.ប.ទ.។

ក្នុងជំនួបកាលពី រសៀលថ្ងៃទី៨ ខែកញ្ញា ឆ្នាំ២០២៥ លោករដ្ឋមន្ត្រី ជា វ៉ាន់ដេត និងលោក HE Tao បានផ្លាស់ប្តូរយោបល់លើការជំរុញ ការអភិវឌ្ឍ 5G, AI, បច្ចេកវិទ្យាក្លោដ និងគម្រោងសួនឌីជីថលរបស់ ក.ប.ទ.។ ក្រុមហ៊ុន Huawei បង្ហាញចំណាប់អារម្មណ៍ក្នុងការគាំទ្រដំណើរបរិវត្តកម្មឌីជីថល និងការបណ្តុះបណ្តាលធនធានមនុស្សក្នុងវិស័យឌីជីថលនៅកម្ពុជា។