កោះពោធិ៍ គឺជាកោះតូចមួយក្នុងចំណោមកោះទាំង១២នៃដែនសមុទ្រខេត្តកែប ដែលហ៊ុមព័ទ្ធដោយថ្មប៉ប្រះទឹក ខាងក្រោមទឹកសមុទ្រ មានផ្កាថ្ម សត្វសមុទ្រ រុក្ខជាតិសមុទ្រដ៏ស្រស់ត្រកាល អំណោយផលដល់ការស្រាវជា្រវប្រព័ន្ធបរិស្ថានជីវចំរុះ។

អ្នកទេសចរ អាចលេងទឹកឬហែលទឹក ជិះទូក ទស្សនាទេសភាពព្រៃភ្នំ គយគន់ថ្ងៃលិច បោះជំរុំឬបោះតង់ ជិះទូកកាយ៉ាក ម្ហូប និងចំណុចផ្សេងៗក៏បាន ពោលគឺទឹកសមុទ្រពណ៌ខៀវស្រងាត់ នៅលើកោះនេះបានទាក់ទាញភ្ញៀវទេសចរជាច្រើនឱ្យមកកម្សាន្ដជាហូរហែ។ មិនតែប៉ុណ្ណោះ ខ្យល់អាកាសបរិសុទ្ធ និងបរិយាកាសស្ងប់ស្ងាត់នៅទីនោះនឹងជួយអោយលោកអ្នកអាចកាត់បន្ថយនូវភាពស្មុគស្មាញ និង ភ្លេចអស់នូវទុក្ខកង្វល់ទាំងឡាយ។