ក្រសួងរៀបចំដែនដី ប្រកាសចាត់វិធានការលើ គណនី Telegram ឈ្មោះ «អ្នកគ្រប់គ្រង SAY SAMAL» ដែលបន្លំជា ឧបនាយករដ្ឋមន្ត្រី សាយ សំអាល់

ភ្នំពេញ៖ ក្រសួងរៀបចំដែនដី នគរូបនីយកម្ម និងសំណង់ នៅល្ងាចថ្ងៃទី១៨ ខែកក្កដា ឆ្នាំ២០២៥ បានបញ្ជាក់ថា គណនី Telegram ដែលមានឈ្មោះ «អ្នកគ្រប់គ្រង SAY SAMAL» ពុំមែនជាគណនី Telegram របស់លោកឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នោះទេ។

ក្រសួងដែនដី នឹងសហការជាមួយក្រសួងមហាផ្ទៃ ស្ថាប័នជំនាញពាក់ព័ន្ធ និងអាជ្ញាធរមានសមត្ថកិច្ច ដើម្បីចាត់វិធានការតាមផ្លូវច្បាប់ជាធរមាន៕