មន្ត្រីជាជនបើករថយន្តបុករះ ហ៊ុន ហេង បញ្ជូនទៅតុលាការនាព្រឹកនេះ និង បណ្ដេញចេញពីក្របខណ្ឌ

ភ្នំពេញ៖ លោក ហ៊ុន ហេង ជា​នាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ ដែលបើករថយន្តបុករះនៅមុខក្រសួងមហាផ្ទៃ បណ្តាលឱ្យមនុស្ស ១នាក់ស្លាប់ និង៣នាក់រងរបួស នៅថ្ងៃទី ១៧ ឧសភានេះ បានរៀបចំនីតិវិធីបញ្ជូនទៅតុលាការ ព្រមទាំងអនុវត្តននៅបទពិន័យនគរបាលជាតិកម្ពុជាបណ្ដេញចេញពីក្របខណ្ឌផងដែរឦនេះបើតាមលោក ជួន ណារិន្ទ ស្នងការនគរបាលរាជធានីភ្នំពេញ បានបញ្ជាក់នៅលើហ្វេសប៊ុក។

បើតាម លោក ជួន ណារិន្ទ ច្បាប់គឺមិនបានបែកចែកវណ្ណៈនោះទេ គឺអនុវត្តន៌ដូចគ្នា ស្មើភាពគ្នា (ខ្ញុំបាទមិនដែលលើកលែងទេអ្នកប្រព្រឹត្តបទល្មើស) និង សំណូមពរ ដល់អ្នកប្រើប្រាស់មធ្យោបាយលើផ្លូវគ្រប់ប្រភេទ ត្រូវតែចូលរួមគោរពច្បាប់ចរាចរណ៌ ជាដាច់ខាត ទាំងអស់គ្នា (បើស្រវឹងកុំបើកបរ)៕