Cctime 6monthsfree desktop
Cc times  web banner kh (2)

នៅកម្ពុជា«ជំងឺមហារីក»កើនឡើងជិត៩០%នៅឆ្នាំ២០២៤ភាគច្រើន មហារីកសុដន់ មាត់ស្បូន

សង្គម
/
អ្នកយកព័ត៌មាន:
ស៊ីស៊ីថាមស៍
/
លោកវេជ្ជបណ្ឌិត ឡូ វាសនាគីរី រដ្ឋលេខាធិការក្រសួងសុខាភិបាល

ភ្នំពេញ៖ ជំងឺមហារីកនៅក្នុងប្រទេសកម្ពុជា បានហក់ឡើងខ្ពស់នៅឆ្នាំ២០២៤កន្លងទៅប្រមាណជិត៩០ភាគរយ បើធៀបជាមួយឆ្នាំ២០២៣។ ជំងឺមហារីក ជួបច្រើនជាងគេ គឺជំងឺមហារីកសុដន់ និង ជំងឺមហារីកមាត់ស្បូន។នេះបើយោងតាមរបាយការណ៍របស់ក្រសួងសុខាភិបាលកម្ពុជា។

យោងតាមរបាយការណ៍អានដោយលោកវេជ្ជបណ្ឌិត ឡូ វាសនាគីរី រដ្ឋលេខាធិការក្រសួងសុខាភិបាល នៅក្នុងសន្និបាតបូកសរុបការងារឆ្នាំ ២០២៤ របស់ក្រសួងសុខាភិបាល នៅថ្ងៃទី៣ ខែមីនានេះ បានគូសបញ្ជាក់ថា ក្នុងបញ្ជីអ្នកជំងឺមិនឆ្លងក្នុងឆ្នាំ២០២៤កន្លងទៅ រកឃើញថា អ្នកជំងឺមហារីកនៅក្នុងប្រទេសកម្ពុជា ចំនួន ៣១០ ៥១៨នាក់ បានទទួលការព្យាបាល នៅមន្ទីរពេទ្យ ដែលចំនួននេះ កើនឡើង ៨៧, ៤២ភាគរយ ធៀបនឹងឆ្នាំ២០២៣។ 

បើតាមលោកវេជ្ជបណ្ឌិត ឡូ វាសនាគីរី ក្នុងចំណោមនោះ មានអ្នកជំងឺ ១២៧នាក់ បានស្លាប់។ ជំងឺមហារីក ដែលជួបច្រើនជាងគេ គឺជំងឺមហារីកសុដន់ ដែលមាន ២០,៤ភាគរយ និងជំងឺមហារីកមាត់ស្បូន មានចំនួន ១១,៥ភាគរយ។

ក្រៅពីជំងឺមហារីក ជំងឺមិនឆ្លងមួយចំនួនទៀតក៏កើនឡើងគួរឱ្យព្រួយបារម្ភផងដែរនោះ គឺ ជំងឺទឹកនោមផ្អែម មាននៅក្នុងឆ្នាំ២០២៤ មានចំនួន ២៣០ ២៧៩ករណី កើនឡើង ៥៩,១៨ភាគរយ ធៀបនឹងឆ្នាំ២០២៣។ជំងឺលើសឈាម ឬ ឡើងសម្ពាធឈាម មានចំនួន ៤០១ ៩៣៦ ករណី កើនឡើង ២១,៤៤ភាគរយ និងអ្នកជំងឺសម្រាកព្យាបាល មានចំនួន ៣៤០ ៧៩២នាក់ ដែលកើនឡើង ២៩,៥៣ភាគរយ ធៀបនឹងឆ្នាំ២០២៣។ជំងឺបេះដូង សរសៃឈាម បានមកពិនិត្យ ពិគ្រោះជំងឺ ​ចំនួន ១៣០ ៧១ករណី និងសម្រាកព្យាបាលមានចំនួន ២២០ ២១៨នាក់ ក្នុងនោះ អ្នកជំងឺ ១ ០៧៤នាក់ បានស្លាប់៕

ផ្ទាំងពាណិជ្ជកម្ម
Story cow   jan 2025 kh
Photo 2023 06 28 13.36.05
Khcct banner

អត្ថបទទាក់ទង