ភ្នំពេញ៖ យោងតាមស្ថានភាពនៃបម្រែបម្រួលអាកាសធាតុ កម្ពុជានឹងបន្តរងសម្ពាធពី«ព្យុះទី១៧»នៅថ្ងៃទី២៥-២៦តុលា។ ជាក់ស្តែងនៃអាកាសធាតុបង្ហាញឲ្យឃើញថា កម្ពុជាបាននឹងកំពុងនឹងបន្តទទួលនូវខ្យល់មូសុងនិរតីដែលមានកម្រិតមធ្យម ប្រព័ន្ធសម្ពាធទាបនៅបន្តអូសបន្លាយកាត់ពីលើ។
ទន្ទឹមនោះនៅក្នុងមហាសមុទ្រស្ថិតនៅខាងកើតប្រទេសហ្វីលីពីន នឹងអាចមានការក៏កើតឡើងនូវព្យុះទី១៧ ឈ្មោះសូដែល (SAUDEL) ដែលតាមការព្យាករជាលក្ខណៈតំបន់បង្ហាញឲ្យឃើញថា ព្យុះនេះនឹងធ្វើដំណើរចូលភាគខាងជើងវៀតណាម ត្រង់ចំណុចខេត្តវិញក្នុងអំឡុងថ្ងៃទី២៥-២៦ ខែតុលា។ ព្យុះនេះអាចមានឥទ្ធិពលបន្តិចបន្ទួចប៉ុណ្ណោះនៃភាគឦសាន្តប្រទេសកម្ពុជា។
