កម្ពុជាទទួលបានភ្ញៀវទេសចរអន្តរជាតិប្រមាណ៦លាននាក់ក្នុងរយៈពេល១១ខែឆ្នាំ២០២៤

ភ្នំពេញ៖ ក្នុងរយៈពេល១១ខែ ចាប់ពីខែមករា-ខែវិច្ឆិកា ឆ្នាំ២០២៤ កម្ពុជាទទួលបានភ្ញៀវទេសចរអន្តរជាតិចំនួន ៦,០០១,០៥៧ នាក់ កើនឡើង២២% បើធៀបរយៈពេលដូចគ្នាក្នុងឆ្នាំ២០២៣។ ក្នុងនោះកម្ពុជាទទួលបានភ្ញៀវទេសចរថៃច្រើនជាងគេ បន្ទាប់មកមានវៀតណាម ចិន ជាដើម។ នេះបើតាមរបាយការណ៍របស់ក្រសួងទេសចរណ៍។

បើតាមរបាយការណ៍ ភ្ញៀវទេសចរអន្តរជាតិដែលកម្ពុជាតាមរយៈជើងហោះហើរមានចំនួន ២,១៥២,១៩៣ នាក់ កើនឡើង ២៨.៦% បើធៀបរយៈពេលដូចគ្នាក្នុងឆ្នាំ២០២៣ មកតាមផ្លូវគោកមានចំនួន ៣,៧៧៥,៧៦២ នាក់ កើនឡើង ១៨.៥% បើធៀបរយៈពេលដូចគ្នាក្នុងឆ្នាំ២០២៣ និងតាមផ្លូវទឹកមានចំនួន ៧៣,១០២ នាក់ កើនឡើង២៦.៤% បើធៀបរយៈពេលដូចគ្នាក្នុងឆ្នាំ២០២៣។

គួរបញ្ជាក់ថា រយៈពេល១១ខែឆ្នាំ២០២៤នេះ ទីផ្សារទេសចរអន្តរជាតិសំខាន់ៗនៅកម្ពុជាមានចំនួន១០ដូចជា៖ ថៃ ១,៩១៣,៩៩០ នាក់, វៀតណាម ១,២០៣,៣៧៥ នាក់, ចិន ៧៦៩,៧៧៥ នាក់, ឡាវ ៣០៦,៩៤៨ នាក់, សហរដ្ឋអាម៉េរិក ១៩០,៨៥៦ នាក់, កូរ៉េ ១៧៣៦៨៦ នាក់, ឥណ្ឌូនេស៊ី ១៥៣,១៣៣ នាក់, បារាំង ១១៦,៨៨៧ នាក់, អង់គ្លេស ១០៣,៧៣៣ នាក់, និង ជប៉ុន ១០០,០០២ នាក់៕