ACUបន្តផ្សព្វផ្សាយយុទ្ធនាការ«ទិវាជាតិ-អន្តរជាតិប្រយុទ្ធប្រឆាំងអំពើពុករលួយ ៩ ធ្នូ» នៅភ្នំពេញ

ភ្នំពេញ៖ ដើម្បីជំរុញការផ្សព្វផ្សាយ និងអបអរសាទរទិវាជាតិ-អន្តរជាតិប្រយុទ្ធប្រឆាំងអំពើពុករលួយ ០៩ធ្នូ ឆ្នាំ២០២៤ ខាងមុខនេះ នៅព្រឹកថ្ងៃទី២០ ខែវិច្ឆិកា ឆ្នាំ២០២៤ ក្រុមការងារផ្សព្វផ្សាយរបស់អង្គភាពប្រឆាំងអំពើពុករលួយ (អ.ប.ព.) ក្រុមទី៣ ដឹកនាំដោយ លោក គឹម ស៊ីដារ៉ា បានចុះផ្សព្វផ្សាយ ដល់គណៈកម្មការ និងអាជីវករផ្សារអូឡាំពិក។ ដូចគ្នានេះដែរ ក្រុមការងារទី៦ ដឹកនាំដោយលោក លី សុខជឺ ក៏បានផ្សព្វផ្សាយនៅផ្សារព្រែកលៀបផងដែរ។

យុទ្ធនាការគោលដៅទាំងពីរនេះ ក៏មានបិទ Poster និងចងបដាពាក្យស្លោកប្រយុទ្ធប្រឆាំងអំពើពុករលួយនៅក្នុងផ្សារ និងចែកជូន ១) Poster មធ្យោបាយដាក់ពីប្តឹងមក អ.ប.ព. ២) កម្រងឯកសារច្បាប់ និងលិខិតបទដ្ឋានគតិយុត្តពាក់ព័ន្ធការប្រឆាំងអំពើពុករលួយ ៣) សៀវភៅសរសេរ ជូនគណៈកម្មការផ្សារ និងអាជីវករផងដែរ។

សូមញ្ជាក់ថា នៅថ្ងៃនេះ (២០ វិច្ឆិកា) មន្ត្រី អ.ប.ព. បានចុះទៅ តាមទីផ្សារ សាលារៀន ខណ្ឌ ក្នុងរាជធានីភ្នំពេញ និងខេត្ត។ ក្រុមការងារផ្សព្វផ្សាយរបស់ អ.ប.ព. នឹងចេញផ្សាយជាបន្តបន្ទាប់នៅផេកហ្វេសប៊ុក ACU, Channel Telegram ACU និងកម្មវិធី Angkor life៕