ពោធិ៍សាត់៖ រដ្ឋបាលខេត្តពោធិ៍សាត់ រៀបចំពិធីដង្ហែរក្បួនអបអរសាទរដល់ទូកខេត្តរបស់ខ្លួនដែលមានល្បឿនលឿនជ័យលាភីលេខ១ ក្នុងឆ្នាំ២០២៤ ដើម្បីលើកទឹកចិត្តដល់ការខិតខំប្រឹងប្រែងរហូតទទួលបានជ័យលាភីលេខ ១នេះ។
រដ្ឋបាលខេត្តពោធិ៍សាត់ បានរៀបចំពិធីដង្ហែរក្បួនអបអរសាទរដល់ទូកខេត្តរបស់ខ្លួនដោយមានភាពសប្បាយរីករាយ ដែលមានល្បឿនលឿនជ័យលាភីលេខ១ ក្រោមការប្រឹងប្រែង និងសាមគ្គីដល់ខ្លាំងរបស់កីឡាករទូករបស់ខ្លួនរហូតទទួលបានជោគជ័យបែបនេះ។ យ៉ាងណាមិញ ទូកខេត្តពោធិ៍សាត់ តេជោកែវវិជ័យបារមីចៅសែន (បានចំណាត់ថ្នាក់លេខ១ ល្បឿនលឿនជាងគេទូទាំងប្រទេស) រាំងទិលសាគរសែនមានជ័យបារមីវត្តកញ្ជរខាងត្បូង (បានចំណាត់ថ្នាក់លេខ៦ ល្បឿនលឿន) និង តេជោសែនជ័យបារមីឃ្លាំងមឿង (បានចំណាត់ថ្នាក់លេខ២៧ ល្បឿនលឿន)។
គួរបញ្ជាក់ថា ការប្រណាំងទូកឆ្នាំ២០២៤នេះ ទូកតេជោកែវវិជ័យបារមីចៅសែន ទទួលបានលេខ១ ទូក សារាយតេជោសែនជ័យ ទទួលបានលេខ២ និង ទូកកោះកេរធិបតី ទទួលបានលេខ ៣។ ការប្រណាំងទូកនេះ មិនត្រឹមតែជាកីឡាជាតិប៉ុណ្ណោះទេ ប៉ុន្តែបានបង្ហាញនូវការខិតខំប្រឹងប្រែងជាសាមគ្គីរបស់កីឡាករ និង ការចូលរួមសប្បាយរីករាយរបស់ប្រជាពលរដ្ឋ៕
.jpg?1731484570)
